Пәндi зерттеу мiндеттерi.

§ Студент мына бағыттар бойынша білімін, ізденімпаздық қабілеттерін көрсете білуі керек:

§ Курс бойынша семестр соңында алған білімін көрсете білу;

§ Сұрақтарға логикалық тұрғыда нақты жауап бере білу және рефераттарды қорғап, пікір айта білу;

§ Қазіргі күнгі нормативтік актілерге, оқиғаларға талдау және қорытынды жасау;

§ Нормативтік актілер мен баспасөз ақпараттарымен, электронды оқулықтармен, картамен, Интернет материалдарымен өздігінен жұмыс жүргізе білу;

§ Ғылыми жұмыс жүргізуге дағдысы болу.

Студентке қойылатын талаптар:

Дәрістер мен практикалық сабақтарға қатысып, белсенділік көрсету студенттің міндеті және ол қортынды бағаның негізгі құрауышы болып табылады. Дәрістер оқулықтың негізгі тарауларын қамтығанмен, осы материалды толық түсініп меңгеруге арналған көптеген теориялық мысалдар тек қана дәріс сабақтарында беріледі. Сондықтан сабаққа қатыспау студенттің үлгеріміне және қортынды бағаға әсер етуі мүмкін. Сабақта үнемі студенттің белсенділігі қажет. Әрбір сабаққа дайындалу курстың міндетті түрдегі талабы болып табылады. Оқулықтың көрсетілген бөлімдерін және қосымша материалдарды тек қана семинар сабақтарына дайындалғанда ғана емес, сонымен қатар тиесілі дәріс сабағының алдында да қарап танысу қажет. Бұндай дайындық студенттің жаңа материалды қабылдауын жеңілдетеді және студенттің белсенділік танытуыңа әсерін тигізеді.

Студенттердің сапалы білім алуы үшін оқытушы белгілеген талаптар мен университеттің ішкі тәртіп ережелерін бұлжытпай орындау.

Студенттердің өзіндік жұмысына тапсырмалар тақырып бойынша топталған. СОӨЖ және СӨЖ тапсырмаларын орындау үшін кітапханаларда жеке ізденіс жүргізілуі керек.