ЦецгӘ ю болвчн Үздг, чееҖ ю болвчн хадҺлдг.

↑

⇐ ПредыдущаяСтр 144 из 156Следующая ⇒

ЦЕЦГӘ Ю БОЛВЧН ҮЗДГ, ЧЕЕҖ Ю БОЛВЧН ХАДҺЛДГ.

Үзсн тоотан мел зарлад, келәд йовхмн биш, тедниг хадһлдг чееҗ бәәнә гисн утхта үгмүд. Күүнә нүднд юн болвчн үзгднә, болв үзсн тоотынь хадһлдгнь чееҗ болҗ һарна. Күүнә нүднә үзсн хамгиг чееҗ хадһлдг эс болсн болхла, үзсн тоот мартгдад уга болҗ одх бәәсмн.

ЦЕЦГӘН СОХРАС ЧЕЕҖИН СОХР ХАТУ.

Нүдтә күн һәргтә, муңхг болхла, ухата сохр күүнәс дор гисн утхта үгмүд. Кен чигн күүнә цецгәнь эс гиҗ нүднь сохр болдг болвчн, чееҗднь ухан болн медрл бәәхлә, тер җирһҗ чадх, кемр нүднь сохр күүнә чееҗднь ухан, медрл болн сурһуль уга болхла, тиим күүнә җирһл икл зовлңта юмн болх.

ЦЕЦН, МЕДӘ БӘӘСН БИЙНЬ, СУРДГ, ТЕНГ, ЭС МЕДСН БИЙНЬ, СУРДГО.

Ухата, эврән медә бәәсн бийнь, медсн деерән улм икәр медҗ авхар сурна, тенг бийнь юм эс меддг болвчн, медхәр седҗ сурх ухан уга. Эн товчта үг келгдхләрн, ухата, цецн күн болн һәргтә, тенг хойриг хоорнднь дүңцүлҗ, үлгүрт орулҗ келгдҗ.

ЦЕЦН СҮВ-СЕЛВГӘР, МУҢХГ БУУЛЬМҖАР.

Эн үлгүрт цецн күн селвгәр уха сурдг, муңхг күн буульмҗар өөдән һардг гиҗ келгдҗәнә. Юңгад гихлә, цецн күн медсн деерән, бас улм икәр медҗ авхар седәд, күүнәс селвг сурна, муңхг күн буульмҗ угаһар, бийнь йовҗ чадшго, терүг дөңнх, магтх кергтә. Тер цагт, тер көдлҗ чадх.

ЦӨН БҮЛ ЦАДМАРН, ОЛН БҮЛ КҮРТМӘРН.

Эн үлгүрт цөөкн күүтә өрк-бүл хотыг цадтлан уудг, олн күүтә өрк-бүл хотыг күртсәрнь уудг гиҗ келгдҗәнә. Үлгүринь келхд, нег өрк-бүлд хойр-һурвн күн бәәхлә, теднд хот икәр күртх, талдан нег өрк-бүлд тавн-зурһан күн бәәхлә, тедн хотан баһар, күртсәрнь, болс-бүтсәрнь ууцхана.

Ч

ЧАМД КҮ ХОВЛСН КҮН ЧАМАГ ЧИГН КҮҮНД ХОВЛХ.

Эн товчта үгд хов зөөдг, хойр күүг хоорнднь цоклдулдг, негинь ховлдг, ховч күүнә тускар келгдҗәнә. Эн товчта үгин һол учр-утхнь болхла, ховч күүнәс хол йовх кергтә, юңгад гихлә, хоорндтн һал цацҗ цоклдулх, ховч күүг иткҗ мел болшго гиҗ сурһмҗ өггдҗәнә.

ЧЕЕҖД ИЛ, ЦЕЦГӘД ДАЛД.

Зәрм күүнә седкл-ухан әмтнд ил медгднә, болв терүгән иләр һарһҗ күүнд үзүлхш, дотран санад бәәнә. Эн үлгүрт нүднд ил эс үзгдҗәх, болв кен чигн күүнә чееҗд ил медгдҗәх юмна тускар келгдҗәнә. Үлгүринь келхд, хойр күүнә негнь мектә, терүнә кү меклх сана наадк негнь медә бәәнә. Тиим меклх санаһан күүнд медүлҗ үзүлх.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности