Хуучан хатхсн — урн, хӨӨткӘн сансн — цецн.

↑

⇐ ПредыдущаяСтр 141 из 156Следующая ⇒

ХУУЧАН ХАТХСН — УРН, ХӨӨТКӘН САНСН — ЦЕЦН.

Гертк эдл-ахуһин сәәнәр кинәнәр хәләҗ, ямаран юмн учрхиг урдаснь авн санх кергтә гисн, сурһмҗ энүнд өггдҗәнә. Эн үлгүриг келхләрн, кенд болвчн сурһмҗ, заавр өгч келгдсн чинртә, юңгад гихлә, хуучн хамган хатхҗ эс ясхла, тер эләд үрҗ одх. Зуг эндрк өдрәр бәәһәд, маңһдур юн болхинь тоолл уга бәәснәс му юмн уга. Маңһдуркан эс гиҗ хөөткән сансн-цецн гисн сурһмҗ өгсн үлгүр.

ХУУЧН ҮР ХОЙР ШИН ҮҮРӘС ДЕЕР.

Сансн санаһан, нег-негнәннь авъяс-бәәдл медлцнә гидг амр биш. Күүнә ухан седкл, терүнә заң-авъяс удан хамдан йовад, ямаранчн төрәр нег-негнәннь хәләц медлцәд, күүндвр кеһәд йовхла, тегәд медгднә гисн сурһмҗ өгч, күүнә заң-авъясиг, седкл-ухаг шулуһар медҗ болшго гисн чинртә үгмүд. Кесг җилд хамдан көдләд, хамдан бәәһәд, негн-негндән дөң-нөкд болҗ йовсн иньг шин үүрәс деер болдг гиҗ энүнд келгдҗәнә, юңгад гихлә, хойр шин үр ода деерән ухан-седклән сәәнәр медлцәд уган учрар, дав зууран тедн нег-негән иткхш.

ХУУЧН ЭЛДГ, ШИНӘР БОСДГ.

Юнчн юмн нег кевәрн йовшго, негнь эләд, хуучрад, терүнә ормд оңдан юмн һарад, терүнд орхнь деер болад, юмн сольгдад, оңдарад йовна гисн гүн чинртә үгмүд. Кен чигн күн болһн, хуучн хувцнь элсн цагт, терүнә ормд шин хувц өмсх зөвтә болҗ һарна.

ХҮРМ ИРВ ГИҖ, КҮҮКДТӘН ХОТ ӨГЛГО БИЧӘ БӘ, ХУР ОРВ ГИҖ, МАЛАН УСЛЛГО БИЧӘ БӘ.

Ямаран бачм эс гиҗ күндтә керг харһвчн, эврән даң (өдр болһн) кедг көдлмшән бичә март, кех кергән цаглань кеҗәх кергтә гисн сурһмҗ эн үлгүрт өггдҗәнә. Хотнд хүрм ирв гиһәд, бичкн күүкдтән хог өгл уга бәәсн цагт, тедн хоосн чигн үлдх. Хур орв гиһәд, малан эс услхла, орсн хур һазрт уугдҗ одхла, мал усн угаһар мәәртәд, ундасх гиҗ, эн үлгүрт келгдҗәнә. Юңгад гихлә, гиичин улс тооһад, бичкн күүкдт хот өггдхш, тедн мартгдна эс гиҗ цол болхш, цаг күртхш гиҗ, энүнд сурһмҗ өггдҗәнә.

Ц

ЦАГ ХҮВРДГ, ЦАСН ХӘӘЛДГ.

Цаг негәр бәәдго, цуһар цагларн хүврнә, сольгдна, ормднь оңдан юмн һарна гисн үгмүд. Делкә деер бәәх әмтә юн чигн юмн, әмн уга чигн юмн нег кевәрн бәәдго, цаг-цагар хүврәд, сольгдад йовдг. Үлгүринь келхд, үвл өңгрхлә, хавр ирҗ үвлиг сольна, хавр өңгрхлә, зун ирҗ, сольна, зун өңгрхлә, намр ирҗ, сольна; үвлд орсн цасн хавр ирәд, нарн халхла, эркн биш хәәлҗ, уснд хүврнә, һазрин өвсн көкрнә, бичкн күүкд өсәд, медәтнрт хүврнә.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры