Хот хармнхла, нӨкд хол. . Хотын Өвчн кӨдлхлӘ, ухани билг хӘрдг. . Хотын сӘӘг кҮҮнд (гиичд) Өгдг, хувцна сӘӘг эврӘн Өмсдг. . Хотын ховдг хорма дахдг, ухана ховдг бий дахдг.

↑

⇐ ПредыдущаяСтр 137 из 156Следующая ⇒

ХОТ ХАРМНХЛА, НӨКД ХОЛ.

Хальмг күүнә нег сән авъяснь гертән бәәсн хотас кен негнләһән болвчн хувацна. Тегәд хот хармнсн күүг икәр гемшәнә, тер учрар тиим күүнд нөкд хол гиҗ терүг шалһҗ, күүнәс хот хармнхмн биш гисн сурһмҗ энүнд өггдҗәнә. Хотан күүнәс хармндг, хумс-хурһан тоолдг, генәртәһәр бәәдг күүнлә, кен чигн күн өңг-үр болҗ, терүнд нөкд болш угань медгднә.

ХОТЫН ӨВЧН КӨДЛХЛӘ, УХАНИ БИЛГ ХӘРДГ.

Идх хот тату болад, гесн өлссн цагт, күн ухани көдлмш кеҗ чаддмн биш гисн сурһмҗ энүнд өггдҗәнә. Хот уух дурн күрсн цагт, кен чигн күүнә уханд хот уухас талдан юмн орхш гиҗ келгдҗәнә. Күүнә геснь өлссн цагт, тер му бәәдл һарад, һурниһәд, дун уга болад оддгнь медгднә.

ХОТЫН СӘӘГ КҮҮНД (ГИИЧД) ӨГДГ, ХУВЦНА СӘӘГ ЭВРӘН ӨМСДГ.

Хальмг улс нег сәәхн авъяста: кезәчн цагт, гертән ирсн таньдг, эс таньдг күүнд түрүн болҗ хот кеҗ өгнә, терүгән сәәнәр амтлна гисн чинртә үлгүр. Гертән ирсн күүг күндлҗ тосхин төлә, хотын сәәнинь өгх зөвтә, эврән бийнь хувцнаннь сәәнинь өмсх зөвтә гиҗ энүнд келгдҗәнә.

ХОТЫН ХОВДГ ХОРМА ДАХДГ, УХАНА ХОВДГ БИЙ ДАХДГ.

Хотд ховдгллһн тер сән йовдл биш, тер му нерн, терүнәс күүнд олз иршго, терүнә ормд уханд ховдгл, тер бийд туста гисн сурһмҗ, энүнд өггдҗәнә. Хотд ховдглад, терүг икәр ууһад оркхла, тер хотнь геснднь шиңгл уга, терүнд машурад (хотнь эс шиңгхлә), элкнь көндрәд, эс гиҗ тулад, икәр зовлң харһдг; икәр уха ухалад бәәхлә, тер күүнә ухань немгднә, өөдән һарна, тер ухань бийинь дахна гиҗ эн үлгүрт келгдҗәнә. Тер учр деерәс хотд икәр ховдглхмн биш, дегд икәр хот уухмн биш, ухаһан икдүлхәсн әәхмн биш.

ХӨРН КҮН НИ УГА БОЛХЛА — ШАВР ШИВӘ, ХОЙР КҮН НИИТӘ БОЛХЛА — ТӨМР ШИВӘ.

Шавр төмр хойриг дүңцүлҗ, ннитә бәәсн әмтнә күчиг медүлҗ, ни негн бәәтхә гисн сурһмҗ эн үлгүрт өггдҗәнә. Хөрн күн хоорндан ни уга болхла, бат биш шавр шивә болдг, хойр күн хоорндан ниитә болхла, бат төмр шивә болдг. Тегәд эн үлгүрин учр-утхнь: ни уга улс күчн уга, ниитә улс күчтә гиҗ келгднә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?