Хувциг шин деернь Әрвлдг, кҮҮг баҺаснь авн сурҺдг.

↑

⇐ ПредыдущаяСтр 138 из 156Следующая ⇒

ХУВЦИГ ШИН ДЕЕРНЬ ӘРВЛДГ, КҮҮГ БАҺАСНЬ АВН СУРҺДГ.

Шин хувциг әрвлҗ өмстхә, күүг баһаснь авн сурһҗ, терүнд сән сурһмҗ өгтхә гисн сүв-селвг эн үлгүрт өггдҗәнә. Эн үлгүр келгдхләрн, хувциг шин деернь цевр-цеерәр хадһлҗ әрвлдг.

Күүг баһ настаһаснь авн сурһдг гиҗ кенд болвчн сурһмҗ өгч, энүнд келгдҗәнә. Юңгад гихлә, ямаран чигн шин уйсн эс гиҗ хулдҗ авсн хувциг шин деернь хәләҗ-харҗ, цевр-цеерәр эс хадһлхла, тер хувцн шулуһар элҗ оддг төләднь, тиигҗ келгднә гих кергтә. Күүг сурһхар седхлә, терүг баһ настаһаснь авн эс сурһхла, медәрҗ одхларн, күүнә келсн үг эс соңссн деерән, тер сурһсн сурһмҗиг нам төртән чигн авш уга учр деерәс, тиигҗ үлгүрт орҗ келгднә.

ХУДГТ УНСН ХУЛД ХУЛҺН ЧИГН АҖРҺ БОЛДГ, ХУДЛЧ КҮҮГ ҮГӘРНЬ ШИНҖЛҖ МЕДДГ.

Юнчн юмн түрсн, зовсн цагтан чидлән геедг, терүг юнчн юмн диилҗ чадхмн гиҗ энүнд келгдҗәнә. Ик күчтә, сәәхн дүртә хул шавтад, муурад худгт унхлань, терүнд бәәсн бичкәхән цогцта хулһн аҗрһ болҗ чадна. Зәрмдән ик күчтә, чидлтә әмтә юн чигн юмн муурсн цагт, күчн уга, чидлнь тату бичкн юмн терүнд деерлкдг гиҗ эн үлгүрт келгдҗәнә. Худлч күүг үгәрнь шинҗлҗ меддг гиҗ эн үлгүрт келгдҗәнә.

ХУДЛ КЕЛҖ, УХАТА БОЛДГО, ХУЛХА КЕҖ, БАЙН БОЛДГО.

Худл кедү келв чигн, күүнд ухан ордго эс гиҗ уха сурдго, хулха кедү кев чигн, байҗдго гиҗ келгдҗәнә. Юңгад гихлә, му уха ухалсар, худл келсәр кенд чигн ухан оршгонь цугтад медгднә; күүнә юм хулхалҗ авсар кен чигн күн өөдән һарч, байн болдгонь лавта.

ХУДЛ КЕЛХЛӘ — ИТКЛ БАРГДДГ, ХУЛХА КЕХЛӘ — НЕРН БАРГДДГ.

Худлчд иткл уга, хулхачд сән нерн уга гиҗ тедниг бурушаҗ, хулхач, худлч бичә болтха гисн сурһмҗ энүнд өггдҗәнә. Худл келснәс му юмн уга, худл келхлә, бийин иткл баргддг, худлч күүг олн әмтн му нүдәр хәләдг, терүнд икәр дурго болдгнь медгднә. Хулха кеснәс му юмн бас уга, юңгад гихлә, хулхач күүнә нернь баргдад, тиим күн әмтнд һәәлгдәд, үүллә харһад, үрәд-тарад чигн оддг йовдл һарна, тегәд хулхач күүнә нернь баргдад, терүнә тускар үлгүрт орҗ «хулха кехлә, нерн баргддг» гиҗ келгднә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?