Цагнь болхла, цасн деер чигн тҮҮмр шатдг.

↑

⇐ ПредыдущаяСтр 142 из 156Следующая ⇒

ЦАГНЬ БОЛХЛА, ЦАСН ДЕЕР ЧИГН ТҮҮМР ШАТДГ.

Ямаранчн юмн нег цагар йовдго, нег зүсәр бәәдго, тер цагта, болзгта болдмн. Эн товчта үгиг келхләрн, юн чигн йовдл һархларн, эврәннь цагларн һарч, бийән үзүлдг гиҗ келгдҗәнә. Түүмр шатхларн, зуна һаңгин халунла биш үвлин бийднь ташр цасн деер чигн шатна. Үлгүринь келхд, зуна һаңгин халунла овалсн хүүрә өвснд һал орад, шатхларн, үвлин догшн киитнлә чигн цаста һазрт түүмр шатна.

ЦАГТАН ЦАДДГ, ЦАГНЬ ИРХЛӘ, ҺУУЛЬҺДГ.

Юнчн эдл-уушиг зөвтнь, икәр давулҗ эдллго, болхарнь эдлхлә, сән гисн сурһмҗ энүнд өггдҗәнә. Хотыг кемҗәнәснь давулҗ эдллһн күүнд зогшго гисн сүв-селвгин чинртә үгмүд. Дегд давулҗ хот ууҗ цадсн әмтә юмн идсн хотнь геснднь цаглаһан эс шиңгхлә, тер машурад (хотнь эс шиңгәд), терүнәс көлтә элкнь туулад, терүг цаг зуурин зовлңла харһулна, тегәд чигн үлгүрт орҗ, «Цагтан цаддг, цагнь ирхлә, һуульһдг» гиҗ келгднә. Эн үлгүрин һол учр-утхнь: дегд икәр хот уухла, зокдго, терүнәс көлтә элкән туулулҗ, цаг зуурин зовлң үзнә гиҗ сурһмҗ өггдҗәнә.

ЦАДАД ЦАР БОЛДГО, ИДӘД ИРГ БОЛДГО.

Икәр үлү хот уулһн күүнә цогцд таалмҗта биш, терүнәс олз уга, терүгәр ик болҗ, шулуһар цар мет бөк ик болҗ, ирг мет тарһлҗ өсшго гисн сурһмҗ энүнд өггдҗәнә. Цадтлан хот уусар кен чигн күн царла әдл ик болдго, икәр хот идҗ кен чигн күн ирглә (агтлсн эр хөөнлә) әдл тарһн болдго. Эн үлгүрин һол болгч учр-утхнь: цадтлан хот уусар, ик хот идсәр, кенд болвчн тус уга гиҗ сурһмҗ цугтад өггдҗәнә.

ЦАДХЛА — ЦАҺАН ХУРҺНА СҮЛ ЧИГН ҺАШУН БОЛДГ.

Цадхлң күүнд сән хотын бийнь му болҗ медгднә гисн учр-утхта үлгүр. Кен чигн күүнә геснь икәр өлссн цагт, ямаран чигн хот сән болҗ таасгдна, юңгад гихлә, икәр өлссн цагт, күн хотын сән-мууһинь йилһхш. Болв, өлссн гесән цадтл хот уучкхла, күүнд ямаран чигн сән хотын бийнь таасгдл уга, мууд тер тоолгдна гиҗ энүнд келгдҗәнә. Эрнҗәнә К. «Һалан хадһл» гидг дегтрт: «Не, Бата, «күр» гидг юмн ямаранинь медвч. «Цадхла, цаһан хурһна сүл һашудад бәәвү? Дәкҗ орҗ өгхий? — гиһәд Мөңкә һаран шораһар арчв».

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману