Чонас ӘӘсн кҮн мал Өскдго.

↑

⇐ ПредыдущаяСтр 146 из 156Следующая ⇒

ЧОНАС ӘӘСН КҮН МАЛ ӨСКДГО.

Даң юмнас әәһәд, эмәһәд, ичәд йовхла, кех керг күцәгдшго. Әәх юмн бәәнә, әәшго юмн бәәнә, тедниг йилһҗәх кергтә гиҗәх сурһмҗ энүнд өггдҗәнә. Кен чигн күн болх-болшго юмнас әәһәд, сеҗгләд бәәхмн биш гиҗ, эн товчта үгд келгдҗәнә, юңгад гихлә, мел әәһәд бәәсн күн юм төрүн кеҗ күцәҗ чадхш.

ЧОНЫГ КҮН БОЛҺН ТАНЬДГ, БОЛВ ЧОН КҮ ТАНЬДГО.

Орн-нутгт нег тоомсрта, эрдмтә, цецн, олмһа хурц келтә күн бәәхлә, терүг әмтн цуһар таньна, болв тер бийнь күн болһныг таньҗ чадшго гисн чинртә үгмүд. Үлгүринь, нертә дуучиг, артистиг, бичәчиг, эс гиҗ дәәнд нернь туурсн баатрмудыг, көдлмшәрн йилһрсн малчнриг әмтн цуһар таньна, болв теднә кень болвчн орн-нутгин күн болһныг таньҗ чадшго.

ЧОНЫН АМН ИДВЧН — УЛАН, ЭС ИДВЧН — УЛАН.

Худлч, ховч, хулхач, залху күүнә тускар энүнд келгдҗәнә. Кемр худл зәңг һархла, терүг худлч күүнд даалһчкна, кемр хулха болхла, терүг хулхач кесн болҗ һарна. Кевчн, эс кевчн, неринь тедн авна. Чонын амнь йирин төрхәрә улан болдгинь кен чигн меднә. Болв энүнд нурһлҗ күүнә тускар келгдҗәнә. Үлгүринь келхд, олн әмтн заагт хулхач, худлч болҗ нерән тархасн күүг әмтн иткдгән уурхларн, хулха болвчн, худл һарвчн, терүг цугтан харлдг төләд, хулха эс кесн болвчн, худл эс келсн болвчн, тер күүг цуһар харлцҗ келцхәнә.

ЧОНЫН КИЧГИГ КЕДҮ АСРВЧН, ЧИК ХӘЛӘДГО.

Кемр күүнә көвүг бичкнәснь авн асрад, кү кеһәд, тер бөдүрхләрн, асрсн эк-эцкән хайчкад йовҗ одхла, эн үлгүр олзлгдҗ, күүнд иҗлддг уга чонын кичглә дүңцүлҗ, терүг бурушаҗана. Ямаран чигн зерлгшсн нохаг күүнлә иҗлдәҗ болдг, болв чонын кичгиг кедү кевтә бичкнәснь авн асрвчн, нохала әдл иҗлдҗ, күүнлә таарҗ, ноха болҗ өгдго гиҗ эн товчта үгд келгдҗ бәәнә. Учр юңгад гихлә, чон болхла урдк уңг-тохмарн күүнлә ээлтә биш төләдән, терүг асрҗ, ноха кеҗ болшго гиҗ, келх кергтә.

ЧОЧХД БААТР УГА, ӨЛН ЧОНД ХӨРЛТ УГА.

Күн ямаран зөргтә, баатр, күчтә болвчн, генткн әәмшгтә юмн учрсн цагт, чочл уга бәәхш, икәр өлссн чон йир зөргтә, юмнас әәхш гисн чинртә үгмүд. Ямаран чигн, кен чигн күн юунас болвчн зәрмдән чочна, әәнә. Эн авъяс кенд болвчн бәәнә. Баатр күүнд чигн зәрмдән чочх, әәх саам харһна, тегәд «чочхд баатр уга» гиҗ үлгүрт келгднә. «Өлн чонд хөрлт уга» гиҗ үлгүрт орҗ келгддг учрнь: зүсн-зүүл аңгуд заагт чон зөвәр хурдн, ик чидлтә, зөргтә болдг төләдән, тер өлн болхларн, юмнас әәхш.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов