ЭврӘн зовлҢ уга кҮн кҮҮнӘ зовлҢ меддго.

↑

⇐ ПредыдущаяСтр 150 из 156Следующая ⇒

ЭВРӘН ЗОВЛҢ УГА КҮН КҮҮНӘ ЗОВЛҢ МЕДДГО.

Бийдән зовлң уга, кен чигн күн, талдан күүнә зовлң меддго гиҗ, эн товчта үгд келгдҗәнә. Эн товчта үгин һол болгч учр-утхнь: кен чигн күн, талдан күүнә түрү-зүдүг болн зовлңгиг медхин төләд, тер бийнь зовлң үзх зөвтә гисн үгмүд. Бичкн күүкдиг экнь шоодад цокхла, уульдгинь кен болвчн меднә. Болв бичкн күүкд йовҗ йовад эврән бүдрәд унхларн, эс уульдгинь бас цуһар меднә.

ЭВРӘННЬ ДЕНШГИН ТӨЛӘ КҮҮНӘ АРСЛҢ ҮРӘНӘ.

Әмнч, бийән татдг күүнә тускар энүнд келгдҗәнә. Эврәннь әрвҗ уга, олзин төлә, талдан күүнд ик һару үзүлнә гиҗ, эн товчта үгд келгдҗәнә. Эврән бийиннь әрвҗ уга, олзин төлә кенд болвчн, тер дотр шаңгдчн, дала болсн һару үзүләд, уг сүүлднь болхла, бийдән чигн, күүнд чигн, нег үлү олнд чигн тус уга, нам хәрнь, тушаһан халдах күн.

ЭВРӘННЬ ҺАРЛДСН ЭКӘН КҮНДЛСН КҮН, ТАЛДАН КҮҮНӘ ЭК ХАРАХ ЗӨВ УГА.

Эк болһн әдл, тедниг «мини-чини» гиҗ йилһл уга, күндлҗ йов гисн сурһмҗ энүнд өггдҗәнә. Эврәннь һарлдсн экән тоомсрлҗ күндлдг күн болһн, күүнә экиг хараҗ, му келл уга, терүг күндлх зөвтә гиҗ, цугтад сурһмҗ өггдҗәнә.

Кен чигн күүнд эврә һарлдсн экәс өөрхн болн эңкр күн уга болдгинь, цугтан медцхәнә, юңгад гихлә, эк күн болһн үрән һарһҗ өскхәсн урд, тер һарх үрән йисн сард гесндән тееһәд, үрн һарсна хөөннь, арвн сард алтн шар уурган көкүләд, сөөг сө гилго, өдриг өдр гилго, унтл-кевтлго гишң арднь орад, өскәд-босхад, кү кеһәд, көлд орулдгнь бас кенд болвчн медгднә. Тиим ик ачта экиг кен эс күндлнә, кен эс тоомсрлна? Тиим экиг харана гидг икл му йовдл гиҗ, келх кергтә.

ЭВТӘ ТУҺЛ ХОЙР ЭК КӨКДГ.

Әмтнлә таалмҗта, үгтә-күүртә, эвнь олдхла, хойр дамар ору орулдг күүнә тускар энүнд келгдҗәнә. Эн товчта үгд хойр эк көкдг нег туһлын тускар келгдҗәнә. Энүнд зуг туһлын тускар келгдҗәхш. Олн әмтн заагт эвтә хойр һазрас олз бийдән орулад, авад оркдг улс хара биш һарна. Мел тиим эвтә-довта улсин тускар эн үгд келгдҗәнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США