Экн уга болхла, эврӘ толҺа чигн ацан.

↑

⇐ ПредыдущаяСтр 152 из 156Следующая ⇒

ЭКН УГА БОЛХЛА, ЭВРӘ ТОЛҺА ЧИГН АЦАН.

Ухан уга күүнд бийднь амрл уга гисн үгмүд. Эн товчта үгиг келхләрн, толһад ухан уга болхла, тиим толһа бийднь ацан болдмн гиҗ келгдҗәнә. Толһадан ухань уга болсн төләдән, нам кен чигн күүнә зүүднд орш уга юм аюдан келәд, әмтнд наадн-инәдн болад, алс-булс авад, амндан орсн тоот үгәр, төр кеһәд йовдг күн.

ЭЛ УГАД ЭЛГН УГА.

Әмтнлә таньлдҗ үзлцл уга, күүнлә харһҗ күүндго, һанцарн бәәдг, элгн-садан, төрл-төрсән керглдго күүнә тускар энүнд келгдҗ, терүг шалһҗана. Таньл-үзл уга, күүнлә төрүц харһҗ күүнддго, әмтнәс салу бәәдг күүг эл уга күн гиҗ келцхәнә. Эл уга күн нам элгн-садарн чигн төр кехш. Тегәд терүг элгн-саднь чигн керглхш.

ЭЛВГ ЧИЛДГ, ЭЛСН ШИНРДГ.

Юнчн юмн нег кевәр бәәдго, цуһар селгәтә, зәрмнь чилнә (чилдго юмн уга), зәрмнь элнә (элдго юмн уга) гисн чинртә үлгүр. Тер учрар элвгәр бәәнәв гиҗ байрлхмн биш, тату-тартг бәәнәв гиҗ, зовхмн биш гисн сурһмҗ, энүнд өггдҗәнә. Һазр деер бәәх юн чигн нег кемҗәһәрн, нег кевтән бәәдго, элвгнь баһрад, чиләд, элснь (хуучрснь) шинрәд, немгдәд йовдмн гиҗ эн үлгүрт келгдҗәнә.

ЭЛҖГНИГ ЧИКӘРНЬ ТАНЬДГ, ЭРГҮГ ҮГӘРНЬ ШИНҖЛДГ.

Эн үлгүрт эргү күүнә тускар келгдҗ, тиим күүнә үг ухата күүнәһәс элҗгн чикн ямаран өвәрц, тедү мет йилһвртә гиҗ энүнд келгдҗәнә. Юңгад гихлә, элҗгнә цогцнь мөрнәс баһ болдг болвчн, терүнә чикнь мөрнә чикнәс хойр-һурвн холван ут болсарн, мөрнәс тер йилһрнә. Эргү күүг келсн үгәрнь шинҗлҗ болдмн, юңгад гихлә, эргү күн келхләрн, алс-булс болһҗ, аю-кеү угаһар, дурндан келнә.

ЭМГН ҮКХӘРН, КҮҮКД УУЛЬХАРН.

Ахуч, гер дотрк көдлмш кедг, герән бәрҗ бәәх эмгн күн үрндән һундхларн, өөлхләрн, намаг угаһар бәәҗ чадшгот, үкнәв гиҗ тедниг әәлһнә. Юңгад гихлә, көгшн эмгн үрн-садндан ачрхад, бийим бичә зоваһад бәәтн, удл уга сәәһән хәәҗ үкхв гиҗ, терүгәрн үрн-садан шордадмн. Бичкн күүкд эк-эцкдән эркләд уульхларн, теднән шордахар седдг төләднь, энүнд тиигҗ келгднә. Эн үлгүриг келхләрн, ямаранчн күн әрвҗ уга юмнд өөлхләрн, һундхларн, үкнәв гиҗ үрн-садан әәлһнә, тедү мет бичкдүд бас бичкн юмнас көлтә, эк-эцкән шордаҗ, уульна.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?