ЭрҮлин ухандк — согтуҺин амнд.

↑

⇐ ПредыдущаяСтр 155 из 156Следующая ⇒

ЭРКИН НҮДНЬ ЭРҮТӘ.

Бичкн күүкд эк-эцкдән эрклхләрн, нүдән аньҗ, уульҗ эрклдг. Эрклдг заң ик му гиҗ, келх кергтә, юңгад гихлә, эк-эцкнь эврәннь үр-садан баһаснь авн эрклүлдг дасхчкхла, эркәр өссн көвүн эс гиҗ күүкн тиим эрк заңта болхларн, эк-эцкдән ик зовлң үзүлнә, әрвҗ уга юмнас көлтә уульна, акадлна. Тер учр деерәс эк-эцкнь эврәннь үр-садан эркәр өскхмн биш, күүкд эрклүлхмн биш гих сурһмҗ эн товчта үгәс һарч бәәнә.

ЭРҮЛИН УХАНДК — СОГТУҺИН АМНД.

Әрк уудг күүг шалһҗ, согту күн ямаран хаҗһр юм һарһдгин тускар энүнд келгдҗәнә. Әрк ууһад, даңгин согту йовдг күүнә эрүл цагтан санҗ йовсн санань, ухалҗ йовсн ухань согту цаглань келгднә. Зәрмдән эрүл цагтан төрүц эс келх үгән согтхларн, һарһҗ келдг улс, хара биш харһна.

ЭРҮЛ УГАД — СЕРЛ УГА.

Әрк икәр ууһад, уха-сегәһән алдсн күүнә тускар, эн товчта үгд келгдҗәнә, юңгад гихлә, әркд даагдад, согтҗ одсн күн болһн серлән геенә.

ЭС ХӘЛӘХЛӘ — НҮКНД УНДГ, ЭС БОЛҺАХЛА — ХОР УУДГ.

Күн болһн эврәннь җирһлин хаалһдан йовҗ йовх цагтан, ард-өмнән нүдәрн сәәнәр хәләҗ йовх зөвтә. Хот-хол, унд уусн цагтан болһаҗ, саглҗ уух зөвтә гисн сурһмҗ эн үлгүрт цугтад өгч бәәнә.

ЭЦК УГА КӨВҮН ЕЛДҢ, ЭК УГА КҮҮКН ЕЛДҢ.

Көвүн күн нурһлҗ эцкин үлмәд бәәҗ, терүнә сурһмҗ авч өснә. Күүкн герән эргәд, экин кесн кергт дасна. Тегәд эн экин кедг көдлмшиг дааһад бәәҗ чадна, тедү мет көвүн күн эцкин кедг көдлмш дааҗ чадна. Кен чигн күүнә өрк-бүлнь эцк болн эк хойрас, үрн-саднас тогтдгнь кен болвчн меднә. Үрн-садн заагт көвүн чигн бәәнә, күүкн чигн бәәнә. Көвүн күн, нурһлҗ, эцкиннь үгәр бәәҗ, өсч босна, күүкн күн болхла, нурһлҗ, экиннь үгәр бәәҗ, өсч босна. Тегәд, учр-йовдл харһад, эцкәсн көвүнь хольҗхларн, нурһлҗ, елдң (энд-тенд йовад, сурһмҗ угаһар, дурндан бәәдг) болҗ өснә, күүкнь, учр-йовдл харһад, экәсн салад хольҗхларн, бас, нурһлҗ, елдң болҗ өснә.

Я

ЯМАТА ХӨН ЙОВАЧ, КҮҮКТӘ ГЕР ХОВЧ.

Ямата хөөдиг хәләҗәх кергтә, юңгад гихлә, яман мал йовхдан дурта болад, нег һазртан тогтнҗ бәәхш. Яман мал сальк өрәд, хөөнә өмннь һарч, ардан хөөдиг дахулҗ йовдг төләднь, ямата хөн йовач гиҗ, үлгүрт орҗ келгднә. Кенә чигн өрк-бүлд күүкн күн бәәхлә, тер талдан өрк-бүлин күүкнлә үүрлнә, тиигхләрн, күүкд хоорндан зүсн-зүүл үг-күр күүндхләрн, нурһлҗ, тернь ховта күүндвр болҗ һардг төләд, күүктә гер ховч гиҗ, үлгүрт орҗ келгднә.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры