Эзнь эрклҮлсн ноха алтн кҮзҮвчтӘ чигн болдг.

↑

⇐ ПредыдущаяСтр 151 из 156Следующая ⇒

ЭЗН ДУРАРН, ЭМГН ТАВАРН.

Эзн гертән дурндан, санаһарн бәәнә, терүнд талын күн заавр өгхш, тедү мет тер эзнә эмгн бас таварн бәәнә, терүнд күн эзн биш гиҗ сулдхврт дурта улсин тускар энүнд келгдҗәнә. Эн үлгүрин эркн болгч учр-утхнь: кен чигн күн бийдән эзн болҗ, дурарн бәәдг, наснь ирәд, көгшрсн (эмгрсн) күүкд күн үр-садан өскәд, кү кеснә хөөннь, эврән таварн, ю санна — сансарн бәәх зөвтә болҗ һарна.

Кен чигн күн бийдән эзн болдг учрар, шишлң бийиннь тускар ю санна, тер сансн санаһарн бәәҗ чадна, бийнь бийдән эзн болад, кехән кеһәд, уухан ууһад, өмсхән өмсәд, җирһәд бәәҗ чаддг төләд, дурарн бәәдг күн гиҗ келнә.

ЭЗНӘ НҮДН — ЭМ.

Мал-аһрусн гемтсн цагт, терүг эзнәс оңдан күн сәәнәр хәләҗ чадшго, эзн терүг эмнҗ, хәләҗ, асрҗ эдгәх гисн утхта үгмүд. Кен чигн күн эврәннь нүдәр бийән үзҗ, бийән хәләҗ, бийдән тус күргәх арһ кезәд болвчн хәәнә. Кен чигн күүнд нүднәс эңкр болн эрк юмн уга, юңгад гихлә, нүдәрн күн нар үзнә, эңкр үрн-садан үзҗ, теднән хәләнә. Ташр деернь болхла, кен чигн күн нүдәрн эврәннь цогц-махмудан үзҗ, зүсн-зүүл зеткрәс бийән саглҗ, харсҗ авна.

ЭЗНЬ ЭРКЛҮЛСН НОХА АЛТН КҮЗҮВЧТӘ ЧИГН БОЛДГ.

Малта, зөөртә байн күн кех кергго болад, юуһар зооган һарһхв гихләрн, нохаһан, күн мет, эрклүлҗ, терүг асрҗ хәләнә, терүг алтн күзүвчәр кеерүлнә гисн утхта үгмүд. Болв ик зөөртә күн хаҗудан бәәх улст деерлкхәр, бәәхтәһән бардмнхар седхләрн, нохадан алтн күзүвч чигн зүүлһм шаху. Дала зөөртә, малта, мөңгтә төләдән, шидрк улстан тер зөөрән бардмнад, мал, мөңгән альдаран кехв гихләрн, нохаһан бардмна. Хальмг улсин үлгүрт орҗ, «сумн иктә күн усна дольга хаҗ наадна» гиҗ келгднә.

ЭКИН САНАН ҮРНД, ҮРНӘ САНАН КӨДӘД.

Эк күүнә үрндән эңкрин тускар энүнд келгдҗәнә, терүнә тиим эңкр седклиг үрн медх зөвтә гиҗ, терүнд сурһмҗ өггдҗәнә. Эн цецн үлгүриг келхләрн, экнь кезә чигн үрән санад, зуг үрнь экән санл уга бәәсн учрар, эн үлгүрт орҗ келгднә, юңгад гихлә, экнь үрән кезәд болвчн сананасн һарһл уга, мел һарһсн үрндән седклән кезә чигн тәвәд, кезә чигн санад йовна. Кен чигн күүнд үрн-саднас эңкр болн өөрхн юмн уга. Эрнҗәнә К. «Һалан хадһл» гидг романд: «Цаһан! Эн көвүнә киилг, шалвринь нег уһаһад өгич. Җе гиһәд кир-даг болад бәәҗ. Толһаннь хагтнь тәрә тәрҗ болхмн, гиҗ келчкәд: экин седкл үрнд, үрнә седкл көдәд гидг үлгүр сананднь орв. Экчнь бәәсн болхла, йир ямаран түрү болвчн, чамаг иим киртә-хурта бәәлһх уга билә, —гиҗ, дотран ухалв».

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности