Эмч кедҮ сӘн болвчн, эврӘннь шалтган эмнҖ чаддго.

↑

⇐ ПредыдущаяСтр 153 из 156Следующая ⇒

ЭМЧ КЕДҮ СӘН БОЛВЧН, ЭВРӘННЬ ШАЛТГАН ЭМНҖ ЧАДДГО.

Эмчин заавр угаһар кенчн күн бийән эмнхмн биш гисн сурһмҗ энүнд өггдҗәнә, юңгад гихлә, йирин эгл күн биш, эмч күүнә бийнь бийән эмнҗ чаддмн биш, гиҗ, заавр өгчәх чинртә үлгүр. Эмч күн болһн кенә болвчн эрүл-мендинь хадһлҗ, эмнҗ, цугтад тусан күргҗ чаддг болвчн, бийдән шалтг ирсн цагт, терүг бийнь бийән эмнҗ чадхш.

ЭМЧ МУ БОЛХЛА — ҮКЛ ӨӨРХН, ЭМ МУ БОЛХЛА — УГАРХ ӨӨРХН.

Эн үлгүрт медрл тату эмчиг ахуч биш, юм әрвлдго, герин эдл-ахудан кинән биш, көдлмшт дурго, герин эзн, күүкд күүнлә дүңцүлҗ, терүг шалһҗана. Эмч күүнә медрлнь тату болхла, шалтгта күүг эмнлһнь чигн тату, тегәд гемтә күүнә үклнь өөрхн болх зөвтә. Кен чигн күүнә эмнь (эс гиҗ гергнь) әрвч биш, тоолвр уга болхла, тер күүнә угархнь өөрхн болдг гиҗ эн үлгүрт келгднә.

ЭР НЕГ ЭНДҮРДГ, ЭРГ НЕГ НУРДГ.

Йосн сән залу (эр) ол келдг уга, негхн келдг, келсән эркн биш күцәдг. Кемр нег дәкҗ үгдән эс күрсн (нег эндүрсн) болхла, хойрдад тер эркн биш күцәх зөвтә гиҗ, терүг үгдән лавта батыг медүлҗ, нурдг эрглә дүңцүлҗәнә. Эр (залу) нег эндүрдг, эрг эс гиҗ ик гүн уста һолын көвә нег нурдг. Эндү эс һарһдг залу чигн уга, эс нурдг эрг чигн уга гиҗ эн үлгүрт келгдҗәнә.

ЭРГҮ КҮН ЭР ЭМ ХОЙРИН ХООРНД ОРДГ.

Залу гергн хойр ямаран төрәр болвчн хоорндан күүндх, тер цагтан тер хойрин хоорнд үлү-дуту үгчн һарх гисн чинртә үлгүр. Теднә хоорнд талын күн орлцад кергго, тедн кергән бийснь меднә. Эн үлгүрт, теднә хоорнд орлцсн күүг шалһҗ, бурушаҗ, эргү гиҗ, терүг нерәдҗәнә. Эр эм хойр (эс гиҗ залу гергн хойр) эврәннь җирһлдән нег-негән эңкрлҗ, иньг-амрг хойр болҗ, татв гиҗ тасршго, матив гиҗ матишгоһар бәәх улсин хоорнд орҗ, тедниг эвцәхәр седлһн йир му, ик эргү йовдл болдг төләднь, тиим күүг олн әмтн эргү күн гиҗ келнә.

ЭРДМ СУРЛҺНД КӨГШН УГА, УХА СУРЛҺНД ЙОЗУР УГА.

Сурһуль сурхд эрдм дасхд көгшн уга, ухана сурһульд (номд) йозур уга, терүг күцҗ дасч болшго, тер чилшго гисн учр-утхта үлгүр. Эрдм сурлһн кен чигн күүнә ухани билглә залһата, тегәд билг бәәсн хөөн, ик-баһ уга, көгшн-медәтә уга, кенд болвчн эрдм сурх күсл-дурн бәәхлә, эрдм сурч чадхмн, терүнд көгшн уга. Зәрм күүнә билг баһ настаднь һарч илдкгднә, зәрм күүнә медәрәд, көгшрҗ йовх настаднь билгнь һарна. Тегәд (билгтә күн) эрдм сурхд көгшн уга.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности