Шааврнь кҮнд болхла, ишкӘ Һасн чигн Һазрт ордг.

↑

⇐ ПредыдущаяСтр 147 из 156Следующая ⇒

Ш

ШААВРНЬ КҮНД БОЛХЛА, ИШКӘ ҺАСН ЧИГН ҺАЗРТ ОРДГ.

Зер-зевин сәәнәснь хадһлх кергтә, тиим зер-зевәр кесн көдлмш күцц, тохнята болна. Тегәд чигн терүгәр кегдшго көдлмшиг чигн күцәҗ болхмн (ишкә һасн) гисн чинртә үгмүд. Ямаран чигн һасиг һазрт орулҗ цокхар седҗ бәәхлә, шааврин күндәр цокх кергтә, тегәд тер һасн шулуһар болн гүүнәр һазрт орхнь кенд болвчн медгднә. Тер учрар шааврнь күнд болхла, ишкә һасн чигн һазрт орх гиҗ энүнд сурһмҗ өггдҗәнә.

ШАВРТ УНСН ТЕМӘНӘ ЭЗНЬ КҮЧРДДГ.

Темән көлгн шишлң авцта, терүнә тер авцинь медх кергтә, темәһәр йовсн күн тер әәмшгәс саглтха гисн сүв-селвг энүнд өггдҗәнә. Темән өткн гүн бальчгт унхларн, цогцнь ик, күнд болдг төләдән, терүг тер унуласнь һарһҗ авх деер эзндән ик зовлң өгнә. Темән көлгтә күн болвас терүгән тәвҗ идүлхләрн, бальчг уга, унул уга һазрт идүлнә, юңгад гихлә, темән бальчгт унхларн, көлиннь тавгнь тошхр болдг төләдән, эврән бийнь босч, бальчгас һарч чадшго, өндлзәд босхар седхләрн, тошад, хәрү бальчгтан унад, эзән икәр зована.

ШИВС ГИСӘР ҮГ КЕДГ, ШИР СӘРСӘР ЭД КЕДГ.

Болх-болшго, кергго үг кергт бичә ав, әрвҗ уга юм төртән бичә ав, терүнә ормд болх-болшго бичкн юмар эд кесн деер гиҗ энүнд сурһмҗ өггдҗәнә. Эн үлгүрин учр-утхнь: болх-болшго үгәр шивс гисәр үг кедг, болх-болшго (шир сәрсәр) эдәр эд кедг күн гиҗ энүнд келгдҗәнә. Әрвҗ уга юмар, бийдән дөң кеһәд, дасчксн күүнә тускар, энүнд келгдҗәнә.

ШИКР ДӨРВН ӨНЦГТӘН ӘМТӘХН.

Әмтәхн юмн даң сән, кенд болвчн тер таалмҗта, тедү мет эн үгмүдиг сәәхн заңта, җөөлн седклтә, әмтнлә эвтә, цаһан седклтә, дуту дунд уга күүнә тускар келҗ олзлҗ болхмн.

ШИНДӘН ШИЛВКДГ, ХУУЧРХЛАРН ХУЛМЛЗДГ.

Баһ наста цагтан омгта-зөргтә болдг, медәрәд, көгшрәд ирхләрн, зөрг-омгнь хәрәд, хулмлздг гиҗ эн үлгүрт келгдҗәнә. Үлгүринь авад келхлә, идр баһ настадан кен чигн күн шулун, зөргтә, омгта болдг, медәрәд, көгшрәд ирхләрн, кен чигн күүнә омгнь хәрәд, зөргнь татудад, шулун, шамдһань уурад, хулмлздг болад, әәмсдг болад одна. Хойрдвар, юн чигн юмн шин деерән гилвкәд-далвкад бәәнә. Үлгүринь келхд, утхин бийнь, шин деерән шилвксн хурц болна, хуучрад ирхләрн, ирнь мукарна. Шин хувцна бийнь шиндән гилв-далв гиһәд бәәнә, хуучрад, эләд ирхләрн, өңгән алдад, гилв-далв гидгнь урна.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США