Хоолас давсн хӨӨн — цуҺар хот, хойр кӨл Һазрт эс кҮрсн хӨӨн — цуҺар кӨлгн.

↑

⇐ ПредыдущаяСтр 135 из 156Следующая ⇒

ХОЛЫН ЗӘҢГ ХОЛВАТА.

Хол һазрас ирсн зәңг деерән немртә болдг, терүг шүүҗ-хәләҗәх кергтә гисн сүв-селвг энүнд өггдҗәнә. Юн чигн зәңг һархларн, нег һазрас һарад, кесг һазр эргәд йовхларн, йир ик холд оддг төләдән, «холын зәңг холвата» гиҗ келгднә. «Холын зәңг холвата» гисн үгин учр-утхнь: холас һарсн зәңг күрх һазрт иртлән, зууран йова йовҗ, хойр эс гиҗ һурвн холван ик болҗ чигн оддг төләднь, холвата гиҗ келгднә. Үлгүринь келхд, тенд нег һазрт хөөнд хойр чон орад, хөрн хөөнә күзүһинь хазад идчкҗ гиҗ авгтан һарсн зәңг зууран йова йовҗ, немгдәд, хойр чонын ормд дөрвн чон болад, хөрн хөөнә ормд дөчн болад, кесг холвад икднә, тегәд холын зәңг холвата гиҗ келгднә.

ХООЛАС ДАВСН ХӨӨН — ЦУҺАР ХОТ, ХОЙР КӨЛ ҺАЗРТ ЭС КҮРСН ХӨӨН — ЦУҺАР КӨЛГН.

Хотыг сән-му гиҗ һолхмн биш, көлгн му (удан) болвчн, хойр көлд амрлһ өгнә гисн учр-утхта үлгүр. Эн үлгүрт күүнә уух хотын болн унх көлгнә тускар келгдҗәнә. Энүнә учр-утхнь: геснд орад шиңгх болсн хөөн, тер хотд тоолгдх зөвтә, күүнә цогц дааһад, хойр көл һазрт күрл уга йовсн хөөн, тер көлгнд тоолгдх кергтә.

ХООМА КҮН ХОЙР КӨДЛМШТӘ.

Көдлмшиг хоомаһар, дуту-дундар кесн цагт, терүг дәкнәс хойрдад кедгиг бурушалһҗ, көдлмшән кинәнәр, тохнятаһар кетхә гисн сурһмҗ, энүнд өггдҗәнә. Кесн көдлмшән хоомаһар эс гиҗ дуту-дундар кеһәд, хәрү давтҗ кедг төләд, эн үлгүр келгднә. Үлгүринь келхд, хоома күн худг малтад, уснднь күргчкәд, терүнд модн шат эс тәвсн учр деерәс, тернь нурад унҗ одхла, терүг шинәс малтх зөвтә. Тегәд хоома күн нег көдлмшән хойр дәкҗ кех зөвтә болҗ һарна.

ХООСН КҮҮНД ҺАЛ ТҮШӘН, ХОҖҺР КҮҮНД МАХЛА ТҮШӘН.

Өлн күн даармтха болна, тедү мет халцха толһа бас юмна түрүнд даарна. Тедниг дуладх кергтә гисн сүв-селвг энүнд өггдҗәнә. Геснь икәр өлсәд, үвлин киитнд даарсн күүнд һал түшән эс гиҗ дөң болдг, халцха эс гиҗ хоҗһр толһата күүнд махла түшән болдг гиҗ эн үлгүрт келгдҗәнә. Тер учрар үвлин киитнд икәр даарсн күүнд юмна түрүн болҗ һал түлҗ көлчәлһх кергтә, толһань хоҗһр (үснь хусата эс гиҗ үснь унсн) күүнд дулан махла өмскх кергтә.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология