Лн ӨрхлӘ — боран ордг, Үг сӨрхлӘ — керҮл Һардг.

↑

⇐ ПредыдущаяСтр 130 из 156Следующая ⇒

ҮҮЛН ӨРХЛӘ — БОРАН ОРДГ, ҮГ СӨРХЛӘ — КЕРҮЛ ҺАРДГ.

Хоорндан бичә цүүглдтн, бичә керлдтн гисн сурһмҗта үлгүр, терүг йиртмҗд болдг юмнла дүңцүлҗ медүлҗәнә. Деер теңгрт кесг олн үүлн һарад, салькн көдләд, терүнә өмнәс үүлн өрхлә, эркн биш боран ордгинь цугтад медгднә. Хойр күн хоорндан күүндвр кеҗ бәәһәд, негнь негнәннь келсн үгиг сөрәд, чини келснчн хаҗһр гиҗ сөрснәс көлтә, хоорнднь керүл чигн һарна.

X

ХААЛҺИН УЛСИН ХӘӘСНЬ НЕГН БОЛДГ.

Ут хаалһин улс хоорндан ни болтха гисн сурһмҗта үг. Хаалһд хамдан йовх улс йовҗ йовад, хот кеҗ уухларн, терүгән нег хәәснд кеҗ уудг төләд, кезәчн олзлҗ болх гиҗ сангдна.

ХААНА ХАЗНД УГА ЮМН ҺУУЛЬҺНЧИН ТУЛМД.

Күүг угатя, түрү-зүдү гиҗ басхмн биш, угатядан тер гемтә биш, хаанчн, һуульһнчн йилһл уга нег цуста-махмудта әдл улс гисн чинртә үлгүр. Зәрмдән хаана хазнд, эс гиҗ шаңд уга юмн хамгин түрү-зүдү бәәдг күүнә герт эс гиҗ һууль һуудг күүнә (һуульһнчин) тулмд чигн бәәдгнь маһд уга, һуульһнч күн хама болвчн эргҗ йовдг төләдән, альдас болвчн зүсн-зүүл юм олҗ авхларн, тернь зәрмдән кезә чигн үүрәтә йовдг. Тегәдчн хаана хазнд, эс гиҗ шаңд уга юмн һуульһнчин тулмд бәәдг биший?

ХАВ УГА КҮҮНӘ ХАНЦНЬ БУРУТА.

Кенчн күн эндү, эс гиҗ гем һарһчкад, терүндән болх, болшго юмар учр кеһәд, тер эндүһән юмнд даалһхар седәд бәәсн цагт, эн үлгүр олзлгдна.

Кезәнә цагт баһчуд көдлмшәсн сулдхларн, зог кеҗ, уудьвран һарһхар, шаһа нааддг билә. Шаһаг төвәр, алдл уга тусхла, терүг хавч күн гиҗ нерәднә, тиим күн сәәнәр хана, тегәд шүүнә.

ХАВРТ УРҺСН ЦЕЦГӘ КЕДҮ СӘӘХН БОЛДГ БОЛВЧН, НАМРИН НЕГ СӨӨҺИН КИРҮД ӨҢГНЬ ШУРДДГ.

Юнчн юмн цагарн селгәтә, нег кевәр бәәшго йоста гисн цецн ухана чинртә үлгүр. Делкәд бәәдг хамг әмтә тоот, тедн дотр урһмл чигн нег кевәр, нег бәәдләр цаг кезәд йовдго, цагин селгәһәр хүврәд, оңдарад, зүсән соляд эс гиҗ өңгән соляд йовдмн.

ХАВСН НУРҺНДАН ТҮШДГ, НУРҺН ХАВСНДАН ТҮШДГ.

Йиртмҗд күүнә болвчн, мал-аһрусна болвчн цогц-махмуд хоорндан холвата, теднд үлүчн уга, дутучн уга, тедн хоорндан нег-негән дөңнцхәнә. Тедү мет әмтн чигн нег негндән нөкд болсн цагт, эн үлгүр олзлгдна. Цогцд бәәх хавсн олн болдг болвчн, тер хавсдуд цугтан нурһнла келкәтә болсн төләдән, нурһндан түшцхәнә, нурһна яснь кедү олн үйтә болдг болвчн, хавснлаһан келкәтә төләдән, нурһн хавсан түшнә. Күүнә үрн-саднь эк-эцкән түшдг, эк-эцкнь үрн-садндан түшг болдг. Бүкл орн-нутг кевтән олн әмтндән түшнә, орн-нутгин күн болһн олн әмтнләһән заг уга залһата болсн төләдән, цуг олн әмтндән тер түшҗ, җирһнәлм.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману