Нн Үгин ҮзҮрнь шовҺр болсн деерӘн хурц.

↑

⇐ ПредыдущаяСтр 129 из 156Следующая ⇒

ҮНН ҮГИН ҮЗҮРНЬ ШОВҺР БОЛСН ДЕЕРӘН ХУРЦ.

Үнн үгиг шовһр үзүрлә болн хурц ирлә дүңцүлҗ, терүнә күчтә чинриг әмтнд медүлҗәнә. Үгин үннь хурц болсн деерән, шовһр үзүртәдән, өмнән харһсн юн чигн харшта юмиг хурц ирәрн керчәд, шовһр үзүрәрн шааһад, ивтднь цоолад, орад оддг төләднь, тиигҗ келгднә.

ҮСН УГА ХӨН ХОЛВАД ОРДГ.

Бийдән кергго юмнд орлцад, әмтнә күүндәнд харшлт һарһдг күүнә тускар энүнд келгдҗ, тиим күүг шалһҗана. Хурһта хөд холвҗ саадг цагт, тер хөд заагт үсн уга хусрсн (суврха) хөн холвгдхла, тиигҗ келгднә. Болв эн зуг хөөнә тускар келгдҗәхш. Хойр күн харһад, хоорндан күүндҗәхлә, теднә күүндврт эс гиҗ бийдән кергго юмнд күн орлцхла, терүг «үсн уга хөн холвад орна» гиҗ келгднә.

ҮҮДӘР ОРДГ, ӨРКӘР ҺАРДГ.

Ямаран учрар болвчн герт орҗ ирсн оруг, олзыг тер герт бәәх өрк-бүл иднә гисн чинртә үлгүр. Күн болһнд амр медгдш угаһар, теҗгәр келсн үлгүр гиҗ, келх кергтә, юңгад гихлә, үүдн гисн орҗах олз, ору гисн чинртә үг, өрк гисн герт бәәх өрк-бүл, тер герт кедү әмн бәәнә, тедн өрк-бүлд тоолгдна. «Үүдәр ордг» гисн үгин учр-утхнь болхла «ору ордг» гиҗ кирцҗ тәәлх кергтә. «Өркәр һардг» гисн үг орсн ору «һаруд һардг» гиҗ кирцҗ тәәлх зөвтә. Талдан нег халхар кирцҗ шинҗлхлә, үүдәр орсн арһсн-түләг түлхлә, утанд хүврәд өркәр һарх чигн зөвтә. Эн деер келгдсн товчта үгиг тиим хойр зүсәр тәәлҗ болхмн.

ҮҮЛ УГА КҮҮКН ДУУЛМТХА БОЛДГ, ҮСН УГА ҮКР МӨӨРМТХӘ БОЛДГ.

Күн кедг кергго болхла, уудьвран һарһхар, сергхәр дуулна, тер мел сән дууч биш, терүнә дууг үкрин мөөрлһнлә дүңцүлҗ, хара керг угаһар бәәдгиг эс гиҗ һарин эрдм уга күүкиг энүнд шалһҗана, һарин эрдм уга, үүл бәрҗ, юм уйдго күүкн дуулхдан дурта гиҗ энүнд келгдҗәнә. Нань кедг кергго болсн учрар хара бәәхәр күүкн дуулна. Үснь тату үкрин делңнь бичкн, тегәд тер туһлан көкүлх цаг болхла, тер делврнә. Тегәд туһлан хәәһәд мөөрнә. Үснь тату үкрин туһл сәәнәр экиннь үснд цадхш, тегәд тиим туһл мөөрмтхә, терүнә ду соңссн экнь бас мөөрнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США