Кх гисн эс ҮкҖ, Үнгн девлтӘнь ҮкҖ.

↑

⇐ ПредыдущаяСтр 127 из 156Следующая ⇒

ҮКХ ГИСН ЭС ҮКҖ, ҮНГН ДЕВЛТӘНЬ ҮКҖ.

Угатя, му, түрү-зүдү күн эс үкҗ, сәәнәр бәәсн малта-гертә, тарһн-цадхлң күн үкҗ гисн утхта үлгүр. Кезәнә хаана цагт, баячуд угатьнртан деерлкәд, тедниг дөөгләд, наад бәрәд, му келәд, эдн удл уга тенәд-мунад, үкх гицхәдг бәәсмн. Болв тер угатя, мухла улс хату догшн зовлңгиг дааһад, гесндән уух арһта хот угаһар теднә хуучн хувц-хунринь өмсәд, зуна халунднь өгрәд, үвлин киитнднь даарад, үкл уга эзндән заргдад, әмд йовдг бәәсмн. Тер угатьнриг зарҗ даҗрдг баячуд аратын (үнгнә) арсар кесн девл үмссн бийнь, үвлин догшн киитнлә харһхларн, царцад, гем ирәд, цагасн урд үкҗ оддг билә.

ҮКХ ХУЛҺН МИИСИН СҮҮЛЛӘ НААДДГ.

Зәрмдән күчн уга бичкн юмн, үлгүринь келхд, хулһн ик күчтә юмнла, үлгүринь келхд, миислә наадхларн, эркн биш үкллә харһна. Хулһныг мис бәрҗ авчкад, кесгтән идл уга, өмн хойр көлиннь хумснд шахад бәрҗ бәәтлнь, хулһн миисин бийинь мааҗхлань, тегәд мииснь уурлад, хулһныг җаҗлад идчкдг төләднь, келгдсн үлгүр эн. Үлгүринь келхд, күчтә чон күчн уга хөөг бәрәд, күзүһинь таслад, шуучад идчкнә.

ҮКХӘС БИШҢКНЬ, ШУЛУНЬ СӘН.

Кех кергән, күцәх төрән цаглань, шулуһар күцәсн сән гиҗ энүнд сүв-селвг өггдҗәнә. Юн чигн юм кехләрн, шулуһар кех кергтә, зуг үкхд адһад кергго гиҗ эн товчта үгд келгдҗәнә. Юн чигн кергиг шулуһар күцәснәс сәнь уга: шулуһар көдлмш кехлә, кеҗәх көдлмш эрт дуусгдх, шулуһар йовхла, одх һазртан эрт күрх.

ҮЛГҮРТ ҮКЛ УГА.

Эн товчта үгд үлгүрин чинрин тускар келгдҗәнә. Үлгүрт үкл уга болдгнь бас учрта, юңгад гихлә, энүг хальмг улс ухалҗ һарһхларн, кесг олн зун җил хооран һарһсн болдг. Ташр деернь, ик кезәнәһә һарһсн үлгүр нег үйәс нег үй күртл келгдәд йовсн бийнь, мартгдл уга, ода мана бәәх цаг күртл әмд йовад йовдг төләднь, үлгүрт үкл уга гиҗ келгднә. Үлгүртә үг соңсхла, үнндән кенә болвчн седкл байрлна, чееҗ сарулдна. Сән келтә хальмг күн үгиг келхләрн, үлгүр бәрлдүлҗ келнә, тиигҗ келсн үгиг әмтн оньган өгч, сонҗл кеҗ, соньмсҗ соңсцхана. Әмтнд тиим келн таасгдна, тегәд чигн үлгүр мартгдхш, энүнд үкл уга.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии