Крин зҮснь хар болдг болвчн, туҺлнь цаҺан.

↑

⇐ ПредыдущаяСтр 126 из 156Следующая ⇒

ҮКРИН ЗҮСНЬ ХАР БОЛДГ БОЛВЧН, ТУҺЛНЬ ЦАҺАН.

Орчлңд күн болвчн, мал болвчн, теднә үрд даң экән дурахш гисн утхта үгмүд. Тер төләд хар хөөнәс цаһанчн хурһн һарч чадҗана, цоохр үкрәс улан туһл чигн һарна. Хар зүстә үкрәс зәрмдән цаһан цоохр туһл чигн һарна.

ҮЗҮРИНЬ ХАЗСН КҮН ЙОЗУРИНЬ ЧИГН ХАЗДГ.

Ямаранчн кергиг эклсн хөөн, терүг күцәл уга зогсҗ болшго, терүгән сүүлднь күргҗ күцәх зөвтә гисн сурһмҗ энүнд өггдҗәнә. Эн товчта үг тиигҗ келгддгнь бас учрта, юңгад гихлә, кех кергиг эклчкәд, сүүлднь эс күргхлә, тер сән биш болҗ тоолгдх. Үлгүринь келхд, шин гер бәрхәр, тер герин улынь тәвчкәд, зогсҗ болшго, ора күртл күццднь бәрх кергтә гисн үг.

ҮКРИН СҮЛ ДЕЕР УТХИН ҮЗҮР ХУҺРДГ.

Кергиг кеһәд күцәҗ йовтл, терүнәс бичкәхн юмн үлдсн цагт, генткн нег юмн харш болад, керг күцхш, терүг бичкн юмнла дүңцүлсәр үкрин сүүләр үлгүр авч, әрвго юмн үлдсиг медүлҗәнә. Эн товчта үгиг келхләрн, нег керг экләд дуусн гиҗ бәәтл, әрвҗ уга юмн харшлад, тер керг күцц кегдл уга зогсна. Үлгүринь келхд, үкриг алад өвчәд дуусч йовтл, терүнә сүлин арсинь өвчх деер утхин үзүрнь хуһрад, үкрин сүүлин арсинь өвчҗ болшго болхла, эн үг келгднә.

ҮКСН БУУРИН ТОЛҺАҺАСНЬ ӘМД АТН ӘӘДГ.

Әәһәд эс гиҗ эмәһәд дасчксн авъясиг энүнд буурас әәһәд дасчксн атн темәнлә дүңцүлҗәнә. Бууриг әмд цагтнь, атн темән әәһәд дасчксндан, тегәд үкҗ одсн буурин толһаһаснь чигн тер атн темән әәнә гиҗ, эн товчта үгд келгдҗәнә. Әмд атн гисн агтлчксн эс гиҗ ясчксн эр темән. Буур гисн эс агтлсн, эс яссн эр темән.

ҮКСНӘ ЧИРӘНЬ ҮМСН, ӘМДИН ЧИРӘНЬ АЛТН.

Иньг-амрг, өңгүр бәәсн күн өңгрәд, терүнә үүрмүднь эс гиҗ күндлдг ачнр-җичнр өңгрснә хөөн терүг керглдгән уурад, терүнә гертнь эс орҗ ирхлә, теднд өөләд һундсн цагт, арднь үлдсн гер-бүлнь эн үлгүр олзлҗ, терүнә әмд цагиг алтнла дүңцүлҗ, өңгрҗ одсиг үмснлә дүңцүлҗ, тиим улсиг бурушаҗ, әмтнд сурһмҗ өгчәх үлгүр. Эн үлгүрт үксн күүнә чирә әмд күүнә чирәлә дүңцүлгдҗ келгдҗәнә. Үксн күүнә чирәнь болхла, үмсн өңгтә, әмд күүнә чирәнь — алтн өңгтә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману