Уулын ораҺас ҮҮлн хӨӨҺдго, уурас зовлҢ хӨӨҺдго.

↑

⇐ ПредыдущаяСтр 121 из 156Следующая ⇒

УУЛЫН ОРАҺАС ҮҮЛН ХӨӨҺДГО, УУРАС ЗОВЛҢ ХӨӨҺДГО.

Уурлхмн биш, терүнәс чееҗд зовлң ирнә гиҗ, терүг даң үүлтә бәәдг өндр уулла дүңцүлҗ, күүнә цогцд ямаран ик харшлт ур өгнә гисн чинртә үлгүр. Өндр уулын ора деернь оньдин үүлн бәәдг төләднь, тиигҗ келгднә. Өндр уулын ораһаснь оньдинд үүлн эс хөөһдг учрнь, терүнә орань өндр болсар, деер, теңгрт нүүҗ йовх хурин, эс гиҗ цасна үүлн тер уулын ораднь торад, тенд үүлн эргәд, бәәһәд бәәнә. Уурын зовлң кенчн күн меднә.

УУЛЬСИГ СУРҺ, ИНӘСНӘС СУР.

Учр-зөв угаһар уульдмн биш, тедү мет инәх зөв уга. Тедниг уульсн цагт, учр-зөвинь медҗ, теднд сүв-селвг өгх, эс гиҗ дөң-нөкд болтха гисн сурһмҗ өггдҗәнә. Инәснәс бас сурх кергтә, учр угаһар инәх зөв уга, терүнд бас сүв-селвг өгтхә гисн үлгүр. Олн зүсн учрас көлтә күн уульна: эк-эцкдән һундад уульна, ик түрү-зүдү үзәд, цаг зуурин зовлң үзсн бөдүн күн чигн бас уульна. Тегәд чигн уульсн күүг сурһх зөвтә. Уульсиг сурһ гисн үлгүрин һол учр-утхнь: зовлң уга җирһл уга, ирсн зовлңгиг даах кергтә, уульсар тер зовлң уурш уга, ирсн түрү-зүдү уульҗ уураҗ болшго, терүг эврәннь күч-көлсәрн уурах кергтә гиҗ келцхәнә. Тер уульсиг медәтә болвчн, бичкн болвчн сурһмҗ өгч, терүнд дөң-нөкд болх зөвтә. Инәсиг сур гисн үлгүрин учр-утхнь: тер инәсн күн юн учр деерәс инәсинь медх зөвтә: байрлад, эс гиҗ кү наад бәрәд инәҗ бәәхинь, эс гиҗ талдан учрар инәҗ бәәхинь терүнәс сурҗ йилһх кергтә.

УУХДАН УС КЕҺӘД, УНХДАН ЧОЛУ ТОХАД.

Сурсн күүнәсн юм авч чадшго, терүнәс мөрнә көлсчн унҗ чадшго гисн чинртә үлгүр. Юңгад гихлә, тер бас нег цагтан терүнд өшрх йовдл үзүлҗ, тегәд энүнә уух хотыг уснла дүңцүлҗ, унх мөрнд тохх эмәлиг чолунла дүңцүлҗ, эн үлгүрин учр-утхиг тодрхаһар медүлҗ тиим эндү йовдл һарһсн күүг бурушаҗах үлгүр. Күүнлә таарлт уга, күүнд тус күргдго, тер учр деерәс тиим күүнд әмтн дурго болдг төләднь, эн үлгүр келгднә. Уухдан ус кеһәд гисн дөң авх һазрасн дөң эс авдг күн гисн үг гих кергтә. Унхдан чолу тохад гисн үгин учр-утхнь: киизң му заңта, әмтнлә ни уга нам унх мөрн чигн эс олддг төләднь иигҗ келгднә, терүнд цуг әмтн дурго, му нүдәр хәләнә, тиигҗ унхдан чолу тохад гиҗ келгднә. Йирин тиим, күүнлә таарлт уга, кен чигн күүнд тусан күргдго, мел кезәчн әмнәннь арһ хәәдг, «уухдан ус кеһәд, унхдан чолу тохад», тер учрар әмтнд дурго нүднд үзгдәд, олнас салу йовад йовдг күн болдмн.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману