Ус Үзл уга Һосан бичӘ тӘӘл.

↑

⇐ ПредыдущаяСтр 120 из 156Следующая ⇒

УС ҮЗЛ УГА ҺОСАН БИЧӘ ТӘӘЛ.

Кеҗ күцәд уга кергиг урдаснь күцснд бичә тоол гиҗ, тиим адһм күүг ус үзл уга һосан тәәлсн күүнлә дүңцүлҗ, энүнд сурһмҗ өггдҗәнә.

УСН-ТҮЛӘНӘ ӨӨРХНЬ СӘН, ЭЛГН-САДНА ХОЛНЬ СӘН.

Эн үлгүрин һол учр-утхнь — усн болн түлән өөрхн болх дутман терүг авч ирхднь амр, элгн-садн хол болхла, тедн нег-негән санад, улм элкч болдмн.

УСН КЕДҮ ГҮН БОЛВЧН — ЙОРАЛТА, УУЛ КЕДҮ ӨНДР БОЛВЧН — ОРАТА.

Юн чигн юмн кемҗәтә гисн үлгүр: нам теңгсин болн далан уснь ямаран гүн болвчн — йоралта, делкәд бәәх ямаран өндр уул болдг болвчн — ората гиҗ келгдҗәнә.

УТ НААДНА СҮҮЛНЬ КЕРҮЛ БОЛДГ.

Наадн ямаран сән болвчн, болв терүг болзгаснь давулад, уданар татад наадхмн биш гисн сурһмҗ энүнд өггдҗәнә. Кен чигн күн күүнлә күүндхләрн, наад болн шог орулҗ күүнддгнь цугтад медгднә. Болв нааднд наадн бәәнә гих кергтә. Хойр күн хоорндан наадта үг келҗ, шоглҗ күүндвр кеҗ бәәһәд, негнь негән дегд давулад, мууднь күргәд наадлхла, тернь бийән дегд давад наадлад бәәхләнь, терүнд өөлн һундад, тиигҗ бәәһәд, уурлхларн, тер бийән наадлҗ бәәх күүнлә керлдәд, цүүгә кеһәд, уг сүүлднь хоюрн йоста кевәр цүүглднә. Тернь тиигәд керүлд хүврәд чигн оддг йовдл һарна.

УТ ХОРМА КӨЛД ТУША, УТ КЕЛН ТОЛҺАД САВА.

Ховч, бурмха келтә күүг шалһҗ, йовсн цагт, көлд харш болдг ут хормала дүңцүлҗәнә. Деер өмсдг хувцна хормань дегд ут болхла, күүнә көллә тер хорма оралдад, күүнә көлд туша болдгин тускар келгдҗәнә. Олн үг күүнә толһад сава, эс гиҗ харш болдг гиҗ келгдҗәнә, тегәд деер өмсдг хувцна хормаһинь ахрар кесн сән, келх үгән цөөнәр келсн сән гиҗ, эн деер келгдсн үлгүр сурһмҗ өгчәнә.

УУЛ ӨРГМ ЧИДЛТӘ БӘӘТЛӘН, УС БУЗРДАМ ҺӘРГТӘ.

Чидлтә улс цуһар ухата биш, тедн заагт һәргтә улс бас бәәнә гисн учр-утхта үлгүр. Олн әмтн заагт зәрмдән әвр ик цогцта болн чидлтә, дөгәһәд келхд, бүкл уул өргм ик чидлтә улс харһна, болв тиим улс заагт һәргтәнь бас бәәнә, тегәд уснд орҗ өөмхләрн, уснас һарад, кеер одад, бийән гииглхәсн залхурад, усндан өөмн йовҗ, бийән гииглҗ ус бузрдана.

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности