ТҮрдгнь — шивгчн тҮрдг, амрдгнь — аҺ амрдг.

↑

⇐ ПредыдущаяСтр 117 из 156Следующая ⇒

ТҮРДГНЬ — ШИВГЧН ТҮРДГ, АМРДГНЬ — АҺ АМРДГ.

Хаана хатн, аһ күүнә зарцнь, сөөвңч юмна түрүнд зовна, аһ даң зовлң уга, амр бәәнә гисн үгмүд. «Шивгчн» гисн үг кезәнә хаана йосна цагт, нойн, зәәсң улсин герт бәәдг нойна аһин көтч, эс гиҗ зарц күүкн, бер гисн үг болдг. Тегәд энүнд көтч күүкнә эс гиҗ берин тускар келгдҗәнә.

У

УГ МУУҺИН ҮСНЬ УТ, УХАН МУУҺИН ХУМСНЬ УТ.

Татвр уга, самһа салң, аю-кеү уга, болс-бүтсәрнь, дурндан бәәдг күүг шалһҗ, эн үлгүрт келгдҗәнә. Татвр угадан бийиннь бәәдл-дүрс төртән авл уга, һар-көлән уһаҗ, цеврлҗ, толһаннь үсән цаглань эс хәәчлүлдг, тегәд үснь аю-кеү уга ут болдг. Эк-эцкәс һарсн үрн-саднь чигн, теднән дураҗ ут үстә төләднь, тиим күүнә тускар үлгүрт келгдҗәнә.

УГА БИШ БӘӘНӘ, УГАТЯ БИШ БАЙН.

Хаана йосна цагт, байн күн угатя улст сәәрхҗ, деерлкҗ, көр седклән һарһҗ «нанд уга биш бәәнә, би угатя биш байн күн болдв» гиҗ караглҗ келдг бәәсмн.

УГА ГИҖ УУЛЬДГО, БӘӘНӘ ГИҖ БАЙРЛДГО.

Түрү-зүдү үзҗ, зовҗ урудхмн биш, бийдән бәәсндән бахтҗ байрлхмн биш гиҗ эн цецн үлгүрт келгдҗәнә. Үлгүринь келхд, дав зууран зовлң ирсн, түрү-зүдү ирсн цагт, терүнд диилгдҗ, урудҗ уульхмн биш, дав зуур бийдән бәәснд бахтҗ дегд байрлхмн биш — эн үлгүрин учр-утхнь. Күн болһна җирһлднь зовлң чигн харһдг, байр чигн үзгддг. Уульсар күүнд юмн заядар учршго, бәәнә гиҗ, байрлсар ирсн кишг мөңкршго. Тегәд зовлңднь даргдлго, байртнь ханлго йовснас деернь уга гиҗ келгдҗәнә.

УГАД АРҺ УГА, АРҺ УГАД ЗАРҺ УГА.

Цань арһ уга болад, эндү һарһсн күүг зарһла харһулҗ болшго гисн чинртә үлгүр. Үлгүринь келхд, Эрнҗәнә К. «Һалан хадһл» гидг дегтрт иигҗ бичгднә: «Батан күмсгнь буугдад, махмуднь сулдад, бәрҗәсн шанһиннь ишнь ә уга гулдс гиҗ унв. Бата эзн залу гергн хойртан җомбаһинь кеҗ өгәд, тинилһәд, хәәсн, шанһан хурачкад, «Угад арһ уга, арһ угад зарһ уга» гиҗ санад һаза һарад, хөөнә хашан өөр овалһта бәәсн арһс түшәд, кесгтән зогсҗаһад, утар татад шуукрв».

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?