ТолҺаҺинь таслчкад, Үсинь хармнҖ ууляд кергго.

↑

⇐ ПредыдущаяСтр 113 из 156Следующая ⇒

ТОЛҺАҺИНЬ ТАСЛЧКАД, ҮСИНЬ ХАРМНҖ УУЛЯД КЕРГГО.

Ик кергиг үрәчкәд, бичкн керг хармнҗ һундхмн биш гисн сурһмҗ энүнд өггдҗәнә. Юн чигн әмд юмна әминь таслад алчкад, терүг цогцинь хармнад уульҗ зовад төрүц кергго гиҗ келгдҗәнә. Кү алад, күч үзүләд йовсн күүг бәрҗ авад зарһд өгәд, догшн цааҗла харһулад, толһаһинь таслчкад, терүнә үсинь хармнҗ уульх кергго гидг товчта үг.

ТОЛҺАД УХАН УГА БОЛХЛА, ХОЙР КӨЛД АМРЛ УГА.

Юмиг тоолҗ ухалл уга кеһәд, тернь дуту-дундта эс гиҗ татуһар кегдсн болхла, тиим күүнә хойр көлд амрл уга, тер бас кергтә юман хәәһәд һарна. Толһадан ухан уга эс гиҗ ухань тату болсн учрар тоолвр угадан, үзг-чиг уга, һазр эргәд йовад йовдг, тер учр деерәс эврәннь хойр көлдән амр эс өгдг төләднь, эн үлгүр келгднә.

ТОЛҺАН ҮСН КЕДҮ НИГТ БОЛВЧН, ТОҢҺРГИН ХУРЦД ХУСГДДГ.

Энүнд хурц тоңһргин чинрин тускар келгдҗәнә. Тоңһрг хурц болхла, терүгәр ю болвчн кеҗ болхмн: нигт толһан үсн чигн терүнд хусгдна. Хурц иртә зер-зевәр (тоңһргар, утхар, сүкәр) ямаран чигн хату, нигт юмиг, тер дотр күүнә толһан үсиг чигн хусна.

ТОМАТА КҮН ТҮРҮ ҮЗХЛӘРН, ТӨЛҖДГ.

Томата күн күүнә келсиг медм наста бичкн күүкн, эс гиҗ көвүн түрү үзәд, күүнә келсиг соңсад, өгсн сурһмҗ медәд, ухандан авч чадхмн. Тегәд кен чигн күн зовлң үзсн цагтан, терүнәс уха авад, җирһлин чик хаалһд орхларн, төлҗдг гиҗ эн үлгүрт келгдҗәнә.

ТООСН ҺАРСН КИШГӘС ТОСН ҺАРСН КӨЛСН.

Малта, теҗәлтә, теткүлтә, кишгтә бәәчкәд, киртә, бузрар бәәснд орхнь, теҗәл теткүл тату болвчн цеврәр бәәсн деер гисн утхта үгмүд. Киртә-хурта, тооста кишгәс цевр көлстә көдлмш деер гиҗ келгдҗәнә. Тооснд даргдад, терүнлә хутхлдсн дала болсн өөкн-тоснас, махн-шөлнәс, күч-көлс һарһад, терүгән чееҗдән цеврәр хадһлад, чикәр эдлхлә, тер дала тооснла нииләд хутхлдсн хот-хоолас деер гиҗ келгдҗәнә.

ТООТА ЮМН ТООТА, ТОҺРУНА ӨНДГН ХОЙРХН.

То уга юмн уга, цуһар тоота, дигләтә, терүг зуг хойрхн өндг һарһдг тоһрунла дүңцүлҗ медүлҗәнә. Тоһрун шовун өндглхләрн, хойрхн өндг һарһна. Тер учр деерәс чигн эн деер келгдсн товчта үгиг келхләрн, тоһрун шовун хойрхн өндг һарһдг төләднь, тиигҗ үлгүрт орулҗ келдг болсмн. Күн болвас эврәннь зөөрән диглҗ тоолчкад, терүнәннь тооһинь мел кезәд чигн мартхш, зөөриннь тооһинь толһадан сәәнәр тодлҗ батлхин төләд, тоһруна өндгнлә дүңцүлҗ, үлгүрт орулҗ.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману