ТАРВҖИН ДАЙЛЛҺТА, ТАКАН НИСЛҺТӘ.

↑

⇐ ПредыдущаяСтр 111 из 156Следующая ⇒

ТАРВҖИН ДАЙЛЛҺТА, ТАКАН НИСЛҺТӘ.

Көдлмштән хашң, юм шулуһар кедго күүг шалһҗ, терүг нисч чаддго такала дүңцүлҗәнә. «Тарвҗ» гисн үгин учр-утхнь, теегт бәәршлҗ бәәдг һәрд шовун. Тарвҗ шовуна җивр зөвәр ут, терүгәрн дайлхла, ик өөд нисч чадна. Така шовун болхла деегшән һарч нисч чадхш, дор ормдан бууҗ нисдгнь кен чигн меднә. Тегәд терүнәс үлгүр авч, «тарвҗин дайллһта, такан нислһтә» гиҗ келгднә. Эн үлгүриг келхләрн, амн үгәрн, тарвҗ кевтә, хол дайлдг, авад кесн кергәрн, така кевтә, дор ормдан нисч буудг күүнә тускар келгднә гих кергтә.

ТАТҖ ТАСРШГО, ЗААГЛВЧН ЗААГРШГО ЭЛГН-САДН БОЛГ.

Батта насни туршт җирһх элгн-садн болтха гисн йөрәл. Юн чигн юмна батын тускар келгдҗәнә. Үлгүринь авад келхлә, кезәнә цагт, болхла хальмг улс мөрнә килһсәр кесн арһмҗиг, йир бат болдг төләднь, татҗ тасрш уга гиҗ келдг билә, юңгад гихлә, тиим мөрнә килһсәр томад, эрәд кесн арһмҗар адуна эмнг мөр бәрҗ сурһдг билә. Үкрә арсар кесн булһар һосиг хальмг улс эврән һарарн малын тәкмин шүрүсәр уйчкад, эн һосн элшго бат һосн гицхәдг билә. Темәнә зогдрар кесн хальмг ишкә гер бүслдг арһмҗиг бас батд тоолҗ, татхла тасршго арһмҗ гиҗ келдг бәәсмн.

ТАТУЛҖ ГҮҮЛГСН МӨРН ХОЛЧ БОЛДГ, ТАТҖ КЕЛСН ҮГ ҮНТӘ БОЛДГ.

Дегд хурдар экнәс авн дурнднь тәвәд, зүткәһәд гүүлгсн мөрн шулуһар муурад, түрүн авгтан холд тасрад һарчкад, урлдана сүүләр мөрдин арднь ирнә. Тер төләд, мөриг урлданд довтлхларн, түрүләд аминь татад йовх кергтә гисн селвг энүнд өггдҗәнә. Тедү мет үг келсн цагтан бас татад келҗәх кергтә, цөн үг товчта болн үнтә гисн сурһмҗ өггдҗәнә.

ТЕКИН ӨВР ТЕҢГРТ КҮРСН ЦАГТ, ТЕМӘНӘ СҮЛ ҺАЗРТ КҮРСН ЦАГТ.

Эн үлгүриг келхләрн, кен чигн күн күцәҗ болшго сана зүүсн цагтнь, терүг әмтн наад бәрҗ, эн деер келгдсн үлгүрт орулҗ келдг билә. Юңгад гихлә, текин өвр кедү кевтә утдҗ өөдән урһв чигн, тер теңгрт кезәчн күршгонь кенд болвчн медгднә. Темәнә сүүлнь йир ахр болдг төләдән, һазрт күршгонь бас цугтад ил. Кезәчн күцшго кергин тускар энүнд келгдҗәнә.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте