ТӨлг тӨрҖ эс чада йовҖ, ишкд эк болхар седҖ.

↑

⇐ ПредыдущаяСтр 114 из 156Следующая ⇒

ТӨЛГ ТӨРҖ ЭС ЧАДА ЙОВҖ, ИШКД ЭК БОЛХАР СЕДҖ.

Эврәннь кергән эс медә бәәҗ, меддг күүнд нөкд болхар седнә гисн чинртә үгмүд. Эн товчта үгиг зуг төлг болн ямана ишкин тускар келгдҗәхш. Һарад җил үлү болсн күүкн хөөг төлг хөн гиҗ келдмн. Тегәд тер бийнь төрҗ (хурһлҗ) эс чада йовҗ, ямана ишкд эк болхар седҗ гиҗ хальмг улс үлгүртән орулҗ келцхәнә. Зәрмдән эврән бийиннь кех кергән күцәҗ эс чада йовҗ, талдан күүнд нөкд болхар седдг күүнә тускар эн товчта үгд келгдҗәнә. Үлгүринь келхд, эврән бийнь бәәх гер уга бәәтлән, талдан күүнд бәәх гер олҗ өгхәр седдг күүнә тускар күүндврт орулҗ келцхәнә.

ТӨМРИН СӘӘГ ДАВТҖ МЕДДГ, МӨРНӘ СӘӘГ ДОВТЛҖ МЕДДГ.

Төмрин сәәнинь медхәр седхлә, терүг алхар давтхла, терүнә сән-мунь медгднә, юңгад гихлә, му төмриг давтхла, үүрәд тарҗ одна, сән төмриг кедү алхар давтв чигн, үүрч тархш. Мөрнә сәәнинь медхәр седхлә, мөриг довтлхла, тегәд сән мөрн кедү довтлв чигн, муурч зогслго, көлсн икәр һарлго гүүһәд йовна. Му мөрн унад довтлснас авн көлс алдад, бичкәхән зуур довтлчкхла, муурад, цокулад зогсҗ одна.

ТӨМРИН СӘНЬ ЗЕВРДГО, ТӨРЛИН СӘНЬ МАРТГДДГО.

Сән эңкр төрлмүд нег-негән мартхш, тедниг сән төмрлә дүңцүлҗәнә. Ямаран удан эдлгдвчн сән төмр зеврдго. Му төмр зеврҗ оддг, сән төмр эс зеврдг төләднь, тиигҗ үлгүрт орҗ. Төрлән төртән авдго улсиг му төрл гиҗ келдг, төрлән кезә чигн эс мартдг, төрлнь түрсн-зүдсн цагтнь нөкд-дөң болдг күүг сән төрл гиҗ келцхәнә.

ТӨМРЧИН КӨВҮН — АХРТНЬ, МОДЧИН КӨВҮН — УТДНЬ.

Төмриг ахрар тәәрвчн, терүг көөргт хәәләд, деернь төмр залһад утдҗ болхмн, болв модыг залһҗ болшго. Тегәд юмиг кехәсн түрүләд, ухалх кергтә гисн сурһмҗ эн үлгүрт өггдҗәнә. Эн үлгүрин учр-утхнь: төмрин халхар урлдг күн, төмриг тәәрхләрн, ахрар тәәрҗ чадҗана, юңгад гихлә, ахр төмриг улалһад, давтад, утдулҗ болхмн; модыг тәәрхләрн, ахрар биш, утар тәәрх кергтә, юңгад гихлә, терүг ахрар тәәрхлә, утдулҗ болшго, терүнд төмрлә әдл залһҗ болшго.

Познавательные статьи:



Коммуникативные барьеры и пути их преодоления

Рынок недвижимости. Сущность недвижимости

Решение задач с использованием генеалогического метода

История происхождения и развития детской игры