СОҢСХИН — ЧИКН, ҮЗХИН — НҮДН.

↑

⇐ ПредыдущаяСтр 106 из 156Следующая ⇒

СОҢСХИН — ЧИКН, ҮЗХИН — НҮДН.

Әмтнәс өмн юм соңсад, үзәд, медәд, теднән даң келәд, зәңг тараһад йовдг күн. «Соңсхин чикн» гисн юн чигн юмна ә соңсх күн болһн күүнә келсн үг, холас хәәкрсн хәәкрлһ, зүсн-зүүл көгҗмин айс, орчлңд һардг олн зүсн ә эн хамгиг чикән соңтрхаҗ, оньган өгч соңсхла, хамг соңсгдсн тоот лавтаһар эс гиҗ эндү уга, тодрхаһар медгдҗ чееҗд орҗ үлдх гиҗ үлгүрт келгдҗәнә.

«Үзхин нүдн» гисн үлгүрин учр-утхнь холас чигн, өөрхнәс чигн ямаран болвчн бара үзх күн болһн, эврәннь нүднә харанд харгдх юмн тал, нүдән зөрүлҗ, сәәнәр оньһҗ хәләх зөвтә гиҗ, эн үлгүрт келгдҗәнә.

СОХР ҮКРТ ХУДГ БИЧӘ МЕДҮЛ.

Шин таньлдсн күүнүр даң ирәд, тоомсран гееһәд, амтшсн күүнә тускар эн үгмүд олзлҗ болхмн.

СОХРИН ҺАЗРТ НҮДӘН АНЬ, ДОҺЛҢГИН ҺАЗРТ КӨЛӘН ӨРГ.

Ямаран әмтнлә бәәнәч, теднә бәәдләр бә, теднә заң-бәәр бәрҗ бәәх кергтә, эс гиҗ чамла күн үүрлшго. Кен чигн күн эврәннь бәәршҗ бәәх төрскн орн-нутгасн, һазаһин орн-нутгт одхларн, тер одсн орн-нутгин бәәдллә ниицҗ, тер орн-нутгин закаһар бәәх зөвтә. Дорҗин Б. «Чик хаалһ» гидг романд иигҗ бичгднә: «Тегәд энүнә (Песоцкийн О.У.) хөв туст учрсн тиим әм аврм, әмд цогцан хадһлм һазрнь, теркә-зерлг аң мет, теегин у аһуд тенд-энд нүүҗ әмтн бүүрлдг Хальмг һазр болҗ һарв. Тиигҗ эн нааран ирәд, «тер» гих темдгтә онч сонҗл угаһар хальмг хуучна үлгүрт келгддгәр, «сохрин һазрт нүдән аняд, доһлңгин һазрт көлән өргәд», сәәнәр күртәснләнь нәәҗлдәд, мууһар күртәснләнь хәәмдән бәәһәд, бүргәд, усн әдләр хальмг кел дасад, олна бәрц, авъяс, заңгиг үлү гидг сәәнәр дасч медҗ авад, төвкнүн бәәһәнь эн билә.

СӨГДҖ БӘӘҺӘД ҖИРҺСНД ОРХНЬ, СӨРЛЦҖ БӘӘҺӘД ҮКСН ДЕЕР.

Бичә зуһуд, эврәннь сансн санаһарн бә, күүнд бичә келүл. Кен чигн олн әмтн эврәннь хортнлаһан дәәллдҗ, тер хортан эркн биш диилхләрн, иткҗ келсн үг. Хортн ямаран күчтә болдг болвчн, терүнлә зөргән болн сүрән һарһҗ, әмән хармнл уга дәәллдәд, терүг лавта диилх кергтә, терүнд диилгдҗ, терүнә көлднь мөргҗ, әмд бәәснд орхнь, терүнлә сөрлцҗ бәәһәд үксн деер гиҗ энүнд келгдҗәнә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?