СӘН МӨРНӘ ЧЕЕҖНЬ ӨНДР, СӘН КҮҮНӘ ЧЕЕҖНЬ САРУЛ.

↑

⇐ ПредыдущаяСтр 103 из 156Следующая ⇒

СӘН МӨРНӘ ЧЕЕҖНЬ ӨНДР, СӘН КҮҮНӘ ЧЕЕҖНЬ САРУЛ.

Эн үлгүриг келхләрн, сән мөрнә тускар болн сән күүнә тускар келгдҗ бәәхнь цугтад ил медгднә. Хурдн мөрнә темдгнь болхла, чееҗнь у, өргн болн өндр. Сән (ухата) күүнә чееҗнь сарул гисн медрлтә, ухата, цецн гисн чинртә.

СӘН НӨКДИН СУРҺМҖИГ СЕДКЛДӘН ТӘВХ КЕРГТӘ.

Эн товчта үгин учр-утхнь: ухата, медрлтә, хол тоолврта нөкдин өгсн сурһмҗиг (сүв-селвгиг) бийдән тустад тоолад, терүг седклдән тәвҗ күцәх кергтә.

СӘН УГА — МУ УГА, МУ УГА — СӘН УГА.

Юмн цуһар тегш сән болдго эс гиҗ тегш му болдго гисн чинртә үгмүд. Юн чигн юмн кедү му болдг болвчн терүнә заагтнь, ядхдан, нег сән йовх зөвтә. Юн чигн юмн кедү сән болвчн, терүнә заагтнь, баһ гихдән, нег му йовх зөвтә. Үлгүринь келхд, бүкл сүрг хөн цугтан гилтә тарһн-цадхлң, цуһар гилтә сән үзмҗтә болвчн, теднә заагтнь, баһ гихдән, негн эс гиҗ хойр эцсн, му дүртә хөн бәәл уга бәәшго.

СЕДКЛ УГАД — БЕЛН УГА.

Санҗасн сана-седклән келҗ эс медүлхлә, терүнә сансн санан белн болдмн биш гисн сүв-селвг энүнд өггдҗәнә. Зәрмдән күн күцшго юмна тускар күцәхәр седәд, күцшго седкл санад йовдг саам бәәнә. Тер цагт, тиим юмн бас белн болшго. Тегәд «седкл угад — белн уга» гиҗ келгднә.

СЕДКЛТӘ БОЛХЛА — САН, СҮҮЛТӘ БОЛХЛА — ШАРВАД.

Күүнә өгсн сүв-селвг, заавр, келсн үг санҗ ухандан эс авсн күүг ухан, серл уга нохаһас дор гиҗ бурушаҗана, юңгад гихлә, келн уга, серл уга нохачн, эзән үзхләрн, сүүлән шарвадна гиҗ терүнлә дүңцүлҗәнә. Күүнә келсн үгиг болн селвгиг, сурһмҗиг кен чигн күн болһн, ухата болхла, ухалҗ, санх зөвтә гиҗ келгдҗәнә.

«Сүүлтә болхла — шарвад» гисн үгин учр-утхнь: медрлтә, серлтә күн биш, ухан уга, серл уга ноха чигн эзән таньхларн, хәрү өгч сүүлән шарвадна гисн үг. Ухата, серлтә, тоолврта күн болвас кен чигн күүнә келсн үгиг, өгсн селвгиг, заасн заавриг чикәрн соңссн деерән санҗ ухалх зөвтә. Эс тиигхлә, тер хамг күүнд тусан мел төрүц күргшго гих кергтә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману