Санань сард, шҮҮҖнь Һазрт.

↑

⇐ ПредыдущаяСтр 101 из 156Следующая ⇒

САНАНЬ САРД, ШҮҮҖНЬ ҺАЗРТ.

Күцәҗ чадшго кергиг санаһарн кечкхәр седдг күүнә тускар эн үгмүдт келгднә. Санаһарн сард күрчкхәр седдг, омг седклтә, көндә дуута, караг, көр күүг тиигҗ үлгүрт орулҗ, наад бәрҗ келнә. Хоосн санаһарн юм күцәҗ болшго, сансн санаһан күцәхин кергт, күч-көлсән һарһҗ, хойр һаран көндәҗ, көдлмш кехлә, тегәд оч сансн санан күцдмн.

САНСН ҮҮЛӘН БҮТТЛ, НУУҖ ЙОВХ ЗӨВТӘ.

Сансн санаһан эс күцәснәс му юмн уга. Эс күцх санаг санад тус уга, болв сансн санаһан күцх, эс күцхинь медәд уга бәәҗ, урдаснь терүгән зарлсн бас му гиҗ, келх кергтә. Юңгад гихлә, кемр сансн санаһан урдаснь әмтнд келәд, зарлчкад, терүгән эс күцәхлә, тиим күүг олн әмтн наад бәрәд, «хоосн амар юм кехәр, күцәхәр седдг күн» гиҗ келсн деерән, терүг нам иткдгән урна.

САРИН САРУЛ БОЛВЧН ӨДРЛӘ ӘДЛ БОЛДГО. 

Сар ямаранчн герлтә болвчн, өдрлә теңцҗ чадшго, юңгад гихлә, өдриг мөңкинд мандлсн герлтә нарн герлтхлә, сар зуг сөөд, ташр деернь, бийнь герл угадан, нарна герләр герлтдг төләдән, терүнә герлнь өдрин герллә әдл болхш.

САРИН САРУЛД ХУЛХАЧ ДУРГО, СӘӘНД МУ ДУРГО.

Сар сарул болхла, хулхач күүнә хулхаснь илдәд һарч одх гиһәд, тер сарин сарулд дурго болдгин тускар эн үлгүрт келгдҗәнә. Кезәнә цагт, байн күүг сәәнд тоолдг билә, тегәд байн күүнд угатя күн дурго гиҗ, келх кергтә. «Му» гисн энүнд угатя күн гиҗ тоолх кергтә.

СӘӘНД МУ КЕХЛӘ — МАРТШГО, МУУД СӘ КЕХЛӘ — МЕДШГО.

«Сәәнд му кехлә» гисн ухата, медрлтә, тоолврта күүнд му кехлә, тер кезәчн мартшго. Эн үлгүрт «сән» гисн медрлтә, билгтә, цецн күн гиҗ, келх кергтә. Тегәд тиим күүнд му кехлә, тер терүг мартлго, ухананнь нег өнцгтнь санад йовх. «Му күүнд сә кехлә» гисн тоолвр уга, тенг, муңхг күүнд сә (тус) күргхлә, тер күн түүг (сә кесиг) медх уга гисн үг гих кергтә. Энүнд «му» гисн муңхг, һәргтә, ухан уга гисн чинртә үг.

СӘН ГЕРГН — ГЕРИН ЧИМЛҺ.

Герин эзн күүкд күүнә нилчин тускар энүнд келгдҗәнә. Юңгад гихлә, герин күүкд күн цевр-цер, дигтә-тагта болхла, герин дотрк хамг юмн бас цевр, дигтә-тагта бәәхинь шинҗлчкәд, тер хамг сән болхла, герин эзн күүкд күн чигн сән гиҗ келцхәнә.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии