Сх насндан зовлҢ ҮзхлӘ, Өтлх насндан ҖирҺл Үздг.

↑

⇐ ПредыдущаяСтр 99 из 156Следующая ⇒

ӨСХ НАСНДАН ЗОВЛҢ ҮЗХЛӘ, ӨТЛХ НАСНДАН ҖИРҺЛ ҮЗДГ.

Күүг баһ наснаснь авн таһшаҗ, көдлмшт дасхтха гисн сурһмҗ энүнд өггдҗәнә. Баһ (өсх) насндан зовлң үзсн күн өтлсн (көгшрсн) цагтан җирһл үзнә гиҗ, келгдҗәнә. Кен чигн күн дүүвр баһ насндан ик зовлң-түрү үзәд йовхларн, цогц-махмуднь батрад, ямаран чигн хату болн догшн зовлң дааһад, җирһлин зүсн-зүүл эв-арһ дасад, ямаран хаалһар, яһҗ йовхла, җирһлд сән болхинь медҗ авад, таһшад, эвтә-довта болад оддгнь цугтад сәәнәр медгднә. Тегәд чигн баһ насндан дасч авсн хамг өтлх наснд тусан күргнә, тер җирһнә.

ӨШӘГ ӨШӘҺӘР НЕКСН — ТАШАҺАН АВДГ.

Өшрхмн биш, кемр өшрснәс цааран терүг өшәһәр некхмн биш гисн сурһмҗ энүнд өггдҗәнә. Өшәг өшәһәр некдг уга, юңгад гихлә, өшә нексн күн эврәннь ташаһан авна гиҗ энүнд келгдҗәнә. Өшәтә күүнләһән эркн биш ноолда кех кергтә болҗ һарна. Тер цагт, өшә нексн күүнд хәрүһинь өгл уга, бәәш уга, тегәд ноолдан цүүгән һарна.

С

СААЛЬ БЕЛДХӘР — САВ БЕЛД.

Ямаранчн керг күцәхин төлә белдвр кесн цагт, эркн төр мартгдхш, зуг ямаран болвчн бичкн төр, бичкн юмн мартгддг саам бәәнә. Керг күцәхләрн, цугтаднь оньган өгх кергтә гисн сурһмҗ. Саах үкр олҗ авхасн урд, үс кех саван белд гиҗ, келгдҗәнә, юңгад гихлә, саах үкр олдв чигн, үкрәс сааҗ авсн үсән кедг сав уга болхла берк юмн.

САГИН ТООСНД САНАМРИН ӘМН ҺАРДГ.

Энүнд саг санамр хойр дүңцүлҗ, санамр күүг бурушаҗ шалһҗана. Сагар бәәлһн кен чигн күүнә җирһлднь тусан икәр күргнә. Болв сагт саг бәәнә: дегд саглад бәәхлә, тиим сагллһн күүнә җирһлд тусан күргсн деерән, тушаһан чигн халдахнь маһд уга, юңгад гихлә, дегд давулад саглад бәәхлә, кен чигн күн, нам юм эклҗ кеҗ чадл уга, урдаснь әәһәд, саглад бәәһәд бәәдг чигн йовдл зәрмдән харһна. Саг-сергг бәәсн чик йовдл.

САЛАТА МОДН БҮЧРЛДГ, САДТА КҮН ҖИРҺДГ.

Төрл-төрсәр олн болхла, тиим күн җирһлтә болна. Терүг салата моднла дүңцүлҗ, терүнә өргн өслт үзүлҗәнә. Олн салата модн бүчрлҗ, шулуһар хамтхаслҗ урһдг төләднь, үлгүрт эн орулгдҗ, шулун бүчрлдг модн гиҗ, келгднә, тедү мет садта күн бас өргнәр өснә, җирһнә.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология