СемҖн мет, сегркӘ уга эҢкр.

↑

⇐ ПредыдущаяСтр 105 из 156Следующая ⇒

СЕМҖН МЕТ, СЕГРКӘ УГА ЭҢКР.

Энүнд йир эңкр улсин тускар келгдҗ, тиим үүрмүдин сегркә уга седкллә дүңцүлҗ, тедниг эңкриг медүлҗәнә. Тарһн хөөнә семҗиг сарсалһад делгхлә, терүнә заг-заагтнь әрә сегркә болҗ үзгднә. Терүг семҗнә сегркә гиҗ келцхәнә. Үлгүринь келхд, сернҗл, кенчр кевтә сергәһәд һардг әрә сег үзгднә. Эңкр үүрмүд хоорндан, бас тиим семҗн мет, заг уга, тас нег-негнәс салшго эңкр болцхана.

СЕР ДЕЕР ҺАРХЛА — СЕДКЛИН СЕРГМҖ, СЕНР УХАТА ӨВГНЛӘ КҮҮНДХЛӘ — УХАНИ СЕРГМҖ.

Сер һазр гисн өндр һазр, терүнә деер һархла — күүнә седкл сарулдад, уудад, күн сергәд оддмн, сенр ухата, селвгтә, медрлтә өвгнлә харһад, күүндвр кехлә кен чигн күүнә ухань сергдмн гисн сурһмҗ.

СОГТУҺАС ҺАЛЗУ ӘӘДГ.

Согтҗ, ухаһан алдҗ, әрк уулһн ик әәмшгтә йовдл, согтсн күн юуһанчн медхш, тиим күүг шалһҗ, һалзу нохаһас даву әәмшгтә гиҗ, әрк бичә уутха гисн сүв-селвг энүнд өггдҗәнә. Эн товчта үгиг келхләрн, согту күүнә тускар болн һалзурсн нохан тускар келгдҗ бәәнә гих кергтә. Икәр әрк ууһад, согтҗ одсн күн юмнас әәдгән тас уурч одна, юңгад гихлә, согту күүнә ухань ээдрәд, серлнь уурад, ю кеҗ бәәхән, яһҗ бәәхән төрүц медхш. Тиим учр деерәс һалзурсн нохан бийнь чигн терүнәс әәһәд зулна. Һалзурсн ноха кенүр чигн дәврәд, кениг чигн әәлһнә. Болв согту күүнлә тер һалзу ноха харһхларн, терүнлә хальдл уга, шуд һарад зулна. Эн йовдлын учрнь болхла эрүл улс, һалзу нохаһас әәһәд, һарад зулхлань, һалзу ноха тедниг көөһәд шуучна, согту күн болхла юмнас, тер дотр һалзурсн нохаһас, әәҗ зулхш.

СОГТУҺИН КЕЛНДНЬ ЭРҮЛИН УХАНЬ ИЛДНӘ.

Согту күн ямаран болвчн эндү үг келдгин тускар, терүг шалһҗ, әркин аюлыг әмтнд медүлҗәнә. Эрүл цагтан ухалҗ йовсан согтхларн, тер ухаһан амн үгдән һарһҗ келнә.

СОЛҺАЧ КҮН БАРУН ҺАРАН ГЕМШӘДГ.

Зәрм күн эндү һарһхларн, талдан өөрән бәәсн кү гемшәнә гисн учр-утхта үгмүд. Тер мет солһач күн, эндү һарһсн цагтан бийән гемшәл уга, барун һаран гемшәдмн, юңгад гихлә, барун һарнь көдлмш келһнд эс орлцдг төләднь, эврән бийдән гем авш угаһар барун һаран гемшәҗ, бийиннь һарһсн эндүһән дархар седнә.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология