ДӘс хооран халун уга, ҮкснӘ хӨӨн ҖирҺл уга.

↑

⇐ ПредыдущаяСтр 125 из 156Следующая ⇒

ҮДӘС ХООРАН ХАЛУН УГА, ҮКСНӘ ХӨӨН ҖИРҺЛ УГА.

Юнчн юмн цагта, селгәтә, цагнь ирхлә, тер оңдарна, тедү мет күүнә җирһл бас сольгдна, терүг нарна зальла дүңцүлҗ медүлҗәнә. Эн үлгүрт цагин бәәдлин болн күүнә җирһлин тускар келгдҗәнә. Үд өңгрхлә, нарн суух талан кецәхлә, халун уурад, серүн орна, тегәд чигн халун баһрна. Кен чигн күн өңгрхлә, әмд бәәҗ җирһдгнь уурна.

ҮЗӘД УГА ЦАГТАН ҮКР МӨРН ХОЙР, ҮЗЛЦӘД-ТАНЬЛЦАД ИРХЛӘРН, ҮЗМ ШИКР ХОЙР.

Таньлдҗ үзлцәд уга әмтн нег-негән керглхш, тедниг үкр мөрн хойрла дүңцүлҗ, күн болһн нег-негнләһән таньлдҗ, үзлцҗ йовх кергтә гисн сурһмҗ эн үлгүрт өггдҗәнә. Эн үлгүрт нег-негән үзәд уга баахн көвүн күүкн хойрин тускар келгдҗәнә.

Тиим баахн наста көвүн күүкн хойр кезәңк цагт, седкл-санаһарн негн-негндән таасгддг болвчн, дүүвр баһ насна учр деерәс хаҗуһин әмтнәс ичәд, эмәһәд, негн-негнләһән харһҗ үзлцәд уга цагтан, олн әмтнә санаһар болхла, үкр мөрн хойр әдл болҗ, тоолгддг бәәсмн. Тиим көвүнд гер авч өгх цагнь болад әрк зөөһәд, күүкиг хәрд мордулад, көвүнәд ирәд, хамдан бәәһәд, гер-мал болад, нег-негән таньхларн үзм шикр хойр мет, хоорндан тедн өөрхн иньг-амрг болна. Теднә тускар эн үлгүр келгдҗ.

ҮЗГДСН ҺАЗР ХОЛ БИШ, ӨРГСН АЦАН КҮНД БИШ.

Эн үлгүр күнд биш амр төрин тускар келгдҗәнә, тегәд терүг хол биш һазрла, күнд биш ацанла дүңцүлҗәнә. Эн үлгүрт һазрин хол-өөрин тускар болн ацана күнд-гиигнә тускар дүңцүлгдҗ келгдҗәнә. Күүнә нүднд үзгдсн һазр хол биш болхнь лавта медгдҗәнә. Өөдән өрггдсн ацан күнд биш болхнь бас медгдҗәнә.

ҮЗСНӘС ҮЗӘД УГАНЬ ИК.

Кемр орчлңд ямаран болвчн нег соньн, акад, өмннь үзгдәд уга юмнла харһсн цагт, эн үлгүр олзлгдна. Кен чигн күн болһн эврәннь җирһлин эргцд йир кесг олн юм үзнә, болв тер күүнә үзснәснь үзәд угань ик болдгнь мел лавта гих кергтә, юңгад гихлә, делкә деер бәәх зүсн-зүүл юмн то-тоомҗ уга ик болдгнь медгднә. Күн эврәннь җирһлин хаалһдан олн юм үзсн болдг болвчн, күүнә үзснәснь үзәд угань ик болҗ һарна, тегәд үзәд уга хамгиг үзхәр седҗ күн болһн зүткнә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману