ХӘӘр уга ной даххар, хӘӘмл иҢгнӘ бӨгс сӘк.

↑

⇐ ПредыдущаяСтр 133 из 156Следующая ⇒

ХАХСН ДЕЕР МАХ БУЛА.

Хар саната, күүнд үлү үздг күн зовлңла харһсн цагт, терүнд тус күргх биш, терүнд деерлкдг күүнә тускар келгдҗ, терүг шалһҗана. Күн му үзсн деер, бийдән олз орулх чинртә үгмүд. Үлгүринь келхд, хойр күн зерглҗ сууһад, мах идҗ бәәтлнь, теднә негнь махнд хахад үкн гихлә, наадкнь ааһта махнаснь дораһар авад, бийиннь ааһд орулҗ тәв гисн үгмүд гиҗ келҗ болхмн. Ик ховдг болн му хар ухата-седклтә, хар саната күн муурхла, терүнд тус күргх биш, тушаһан халдах, олз-орш хәәгч күүнә тускар келгдҗәнә.

ХӘӘР УГА НОЙ ДАХХАР, ХӘӘМЛ ИҢГНӘ БӨГС СӘК.

Тус уга, өглһ уга, нөкд болшго күүнәс хол йов гиҗ, терүг шалһҗ, эврәннь гер-малан хәлә гисн сүв-селвг энүнд өггдҗәнә. Хатуч болн генәртә кенд чигн төрүц юм эс өгдг нойн кү дахҗ йовхар, хәәмл иңгнә (күүкн темәнә) бөгс сәк гиҗ келгдҗәнә.

ХОВД ҮНН УГА, ХУДЛД СӘН УГА.

Хов худл хойриг шалһҗ, тиим эндү йовдл һарһхмн биш гисн сүв-селвг энүнд өггдҗәнә. Ямаран чигн ховд эс гиҗ худлд үнн уга болдгнь цугтад медгднә. «Ховд үнн уга» гисн үгин учр-утхнь: ховч күн болһн күүнәс худл соңсчкад, терүгән бас талдан күүнд деернь немәд келнә, тернь бас келә йовтлнь, терүнднь төрүц үнн юмн уга болҗ һарна.

ХОВДГ МАНҖ ХОЙР ХҮВӘС ХООСН ҺАРДГ.

Хойр керг бичә көөлд, хоюрчн күцхнь уга гиҗ сүв-селвг өгч, күүнә ховдг седкл бурушаҗ шалһҗана. Эн товчта үгиг келхләрн, хурла баһ наста манҗ көвүһәр үлгүр авад, ик ховдг күүнә тускар келгдҗәнә.

Кезәнә цагт, хурл болһнд ик номта гелңгүд, гецлмүд болн шаҗна ном дасхар орсн баһ наста көвүд бәәдг билә. Тер баһ наста көвүг манҗ гиҗ нерәддг билә. Гелң күн болвас салу герт бәәһәд, терүнд гертнь бәәҗ, хот-хоолынь кеҗ өгх һурвн-дөрвн манҗ зарц болҗ бәәдг билә. Тер баһ наста манҗ көвүн, геснь сәәнәр эс цадсн цагт, хойр гелңд зарц болҗ, хот уухар седхләрн, эврәннь гелңгәсн чигн хот уга, хаҗуһин гелнгәсн чигн хот уга үлддг билә. Тиигәд чигн ховдг манҗ хойр хүвәс хоосн һардг гиҗ үлгүрт келгднә.

Познавательные статьи:



Организация работы процедурного кабинета

Статус республик в составе РФ

Понятие финансов, их функции и особенности

Сущность демографической политии