Хорн гихлӘ — хорта моҺад бӘӘдг, хорҺн гихлӘ — тарҺн махна шӨлнд бӘӘдг.

↑

⇐ ПредыдущаяСтр 136 из 156Следующая ⇒

ХООСН УХР АМНД БАГТДГО.

Хоосар, мөңгн угаһар, күүһәр көдлмш келгхәр седсн цагт, эн үлгүр олзлҗ болҗана. Хот уга, хоосн ухриг күүнә амнд орулсар өлн күүнә гесн цадшго, тиим хоосн ухр күүнә амнд багтҗ оршго гиҗ эн үгд келгдҗәнә. Болв эн товчта үг зуг хоосн ухрин тускар келгдҗәхш, хоосн амн үгәрн керг күцәх сана зүүхмн биш, кергиг эврән бийнь эс күцәдг күүнә тускар келгдҗәнә. Эн товчта үгин һол учр-утхнь: юн чигн төриг хоосн амн үгәрн күцәхмн биш, кесн, күцәсн кергәрн, күч-көлсәрн күцәх кергтә.

ХОРН ГИХЛӘ — ХОРТА МОҺАД БӘӘДГ, ХОРҺН ГИХЛӘ — ТАРҺН МАХНА ШӨЛНД БӘӘДГ.

 Хорна догшнь, икнь хорта моһад бәәдг, махна шимнь шөлнд һардг гисн сурһмҗ энүнд өггдҗәнә. Хорта моһан хорнь йир ик болдг, тарһн мах чанхла, терүнә шөлнднь хорһнь бас йир икәр һарна гиҗ эн үлгүрт келгдҗәнә.

ХОРТАН АВРСН КҮН ХӘРҮ ТОЛҺАДАН САВАТА.

Хортнд аврлт уга, хортн гисн әмән аллцх өшәтн, терүг бичә итктхә гисн сурһмҗ энүнд өггдҗәнә. Эс тиигхлә өшәтн бийднь хоран күргх, төмр сава авх (сава гисн ут модн). Тиим саваһар ноос савна. Хортнлаһан эс гиҗ өшәтнләһән ноолда кеҗ йовад, хортн диилгдн гиһәд ирхләрн, арһ уга болад, «әм авр, әм авр!» гиһәд хәәкрхләнь, терүнд цаг зуур өр өвдәд, аврхла, хортн амраһан авчкад, хәрү дәврәд, тер авргч күүг дииләд, алад чигн оркдг йовдл һардг төләд, эн үлгүр келгднә. «Сава» гисн үгин учр-утхнь: кезәнә цагт, хальмг улс ишкә герәр бәәдг билә. Герән бүрх ишкәг хөөнә ноосар кедг бәәсмн. Тер ишкә кех ноосиг күн хойр һартан утдан нег алд шаху хойр нәрхн модар, ноосн салвртл, цокҗ савдг билә, тегәд тер модыг сава гиҗ нерәднә. «Толһадан савата» гисн «эврәннь толһаһан сава модар цокулна» гисн чинртә үг.

ХОТ УУСН КҮН СҮВ-СЕЛВГЧ БОЛДГ.

Кен чигн күүнә геснь өлн болхла, талдан күүнд сүв-селвг өгх биш, эврән бийнь му дүр һарад, һурниһәд, күүнлә үг күүндл уга бәәдгнь цугтад медгднә. Тиим күн хот уухларн, үгтә-күүртә болад, сүвч-селвгч, инәдч-наадч болдгнь бас ил медгднә.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология