Олн дотр ҮгӘн аҖгл, онц суухларн, седклӘн хар.

↑

⇐ ПредыдущаяСтр 92 из 156Следующая ⇒

ОЛ ЭРГСН ЧОН ХАВХД ТОРДГ.

Ол хулха кесн күн бәргднә гиҗ, тиим күүг хөөнд ордг чонла дүңцүлҗ, терүг бурушаҗана. Эн товчта үгиг үлгүрт орулҗ келхләрн, кеер, теегт бәәһәд, хөөнд ордг чоныг хавх тәвҗ бәрдгин тускар келгдҗәнә. Теегәр бәәршҗ бәәдг чонмуд эздин хөөдт орад, икәр һару һарһад бәәхләнь, тедниг зәрмдән мөрәр көөһәд бәрдг билә, зәрмдән хавх тәвәд чигн бәрдг бәәсмн. Эн үгиг келхләрн, зуг чонын тускар биш, күүнә тускар чигн келнә. Үлгүринь келхд, хулхач күн дару-дарунь хулха кеһәд бәәхләрн, терүнә кесн хулхань илдәд, бәргдхләрн, зарһла харһад, түүрмд чигн орад оддг йовдл һарна. Тиигсн цагт, эн үгмүд олзлгдҗ келгднә.

ОЛН ДОТР ҮГӘН АҖГЛ, ОНЦ СУУХЛАРН, СЕДКЛӘН ХАР.

Олна сүүрт үг келхләрн, сәәнәр шүүҗ, санҗ үг келх кергтә гисн сүв-селвг энүнд өггдҗәнә. Ухандан бәәсн эс гиҗ санҗасн үгән, санаһан, седклән күн болһнд бичә кел гисн сурһмҗ. Эн товчта үг хол тоолврта, цецн ухата үг, юңгад гихлә, олн улс дотр бәәһәд болх-болшго үг келәд бәәхлә, тер сән биш. Келҗәх үгән ухалҗ, сәәнәр шинҗлҗ эс келхлә, олн улсин шалһанла зәрмдән харһад чигн оддг йовдл һарна.

Олн дотр келх үгән кен чигн күн болвас ончта сәәнәр лавтрхаһар болн товчтаһар, үгән эврән дотран аҗглҗ, келх зөвтә, юңгад гихлә, олн улс дотр үг келнә гидг амр юмн биш. Зәрмдән кен чигн күн олн улс заагт үг келхләрн, келсн үгдән эвго үг орулад келнә.

ОЛН ҮГИН ЦӨНЬ СӘН, ЦӨН ҮГИН ТОВЧТАНЬ СӘН.

Үгиг ахрар келхин төлә эв-арһ хәәх кергтә, терүг диглҗ, товчлҗ, эвтәһәр келтхә гисн сурһмҗ. Болв үгиг цөөнәр келхлә, терүг медгддгәр, товчтаһар, сәәнәр ухалҗ келх кергтә. Цөн үг келнәв гиһәд, юнчн юмн медгдл уга бәәхлә, тиим цөн үг кергтә биш. Эн үлгүрин һол учр-утхнь болхла, кен чигн күн үг келхләрн, цөөнәр келсн сән, ташр деернь, тер үгән товчтаһар (аштаһар) келсн улм сән.

Олн үг келхлә, соңсачнрин урмднь хәрәд, теднә оньгнь шантрад, келҗәсн күүнд чикән өгч соңсдган уурна. Тегәд чигн күн болһнд эн үлгүр сурһмҗ болтха гиҗ, һарһсмн гиҗ, келх кергтә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?