НҮҮрцҖ кҮҮндлҺнӘс нҮл уга юмн уга.

↑

⇐ ПредыдущаяСтр 91 из 156Следующая ⇒

НҮҮЛИН НҮД ХААҺАД.

Кергиг дуту-дундар кеһәд, терүгән медүлшгоһар седәд эс гиҗ кеһәд, күцәһәд уга керг, нүдинь далдлад, күцәчкв гиҗ, көдлмшин төрллһ (процент) икдүлсн күүнә тускар энүнд келгдҗәнә. Нүүлин нүд хаана гисн товчта үгин һол болгч учр-утхнь болхла, юн чигн юм эс гиҗ көдлмш кехләрн, хоомаһар, дуту-дундар, һазаһас хәләхд кегдсн бәәдлтәһәр, бүринь хазад кесн көдлмш болдмн. Үлгүринь келхд, күн бәәдг гериг тосхад дуусхларн, һазак бийинь сәәхн, ке бәәдлтәһәр ширдәд сииләд, хәләсн күүнә нүднднь йир айта сән гер болҗ үзгднә. Болв тер герин дотрнь орад, шинҗләд хәләхлә, дала болсн дуту-дундта болҗ һарна. Тиигҗ кесн гермүдиг «нүүлин нүд хааһад» кеҗ гиҗ, келҗ болҗана.

НҮҮРЦҖ КҮҮНДЛҺНӘС НҮЛ УГА ЮМН УГА.

Хойр күн хоорндан улан чирәһәрн харһҗ күүндхлә, хов-хууҗ уга, худл хуурмг уга, уха-седклән сәәнәр медлцнә гисн сүв-селвг энүнд өггдҗәнә. Нүүрцҗ күүндлһн гисн хойр күн хоюрн чирәһәрн харһлцад күүндлһн гисн үг. Хойр күн хоюрн негн-негнәннь чирә хәләҗ күүндхләрн, негн-негнәсн юм нул уга, хар уга, үнн цаһан седкләрн күүнддг төләд, «нүүрцҗ күүндлһнәс нүл уга юмн уга» гиҗ, келгднә. Үлгүринь келхд, хойр иньг амрг учр-йовдл харһад, нег-негән һундачкад, хоюрн нүүрцҗ харһад, эвцснә хөөннь, тиигҗ келҗ болҗана. Нүл уга гисн үгин һол болгч учр-утхнь болхла, килңц уга, хар санан уга, хар седкл уга гисн үг.

О

ОЛ КЕЛХЛӘ — УЛЬГ, ЦӨ КЕЛХЛӘ — БИЛГ.

Ол келсн үг килвр, цөн үг тоомсрта гисн үлгүр. Ульгллһн гисн ке җөөлн гисн чинртә үгмүд. Мел хоосн, му келтә күн олн үг келҗ чадшго. «Ол келхлә—ульг» гисн ке сәәхн келтә күн, болв тиим үгмүдиг кергтә төрәр олзлҗ чадшго, дегд ол келә бәәтл, терүнә келн бурңхад хүврнә. Эн цецн болн заг уга олмһа үгтә үлгүр. Ташр деернь болхла, «олн үгин цөнь сән, цөн үгин товчтань сән» гиҗ дәкн-дәкн давтҗ, лавтаһар келцхәнә. Дегд олн үг келҗ тус уга, юңгад гихлә, олн үг соңсҗ бәәх күүнә урмднь хәрәд, оньгнь баһрад, цааранднь тер келҗ бәәх үгиг соңсхдан дурго болад, тиигҗ эн үлгүрт келгднә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США