Нохан амнд орсн ясн бҮтн Һардго.

↑

⇐ ПредыдущаяСтр 89 из 156Следующая ⇒

НОХАН АМНД ОРСН ЯСН БҮТН ҺАРДГО.

Байн күн ялчан даҗрад, терүг түрәһәд, зоваһад бәәхлә, эн үгмүд олзлгдҗ, байн кү шалһҗ келгднә. Эрнҗәнә Константинә «Дууч шар хөөч» гидг түүкд эцкнь бичкн көвүһән Ноони байнд ялчд йовулҗаһад, иигҗ келнә: «Нохан амнд орсн ясн бүтн һардго» — гиһәд, эн көвүн заңгнь хаҗиһәд, ярдад үрв билтәл, ода яахв, арһ уга». Нохала дүңцүлҗ, хулхач, худлч амр олз хәәдг улсин тускар бас келнә, юңгад гихлә, хулхач, тонач улсин һарт орсн юн чигн юм бүтн-бүрн төрүц һаршго.

НОХАН ГЕСНД ШАР ТОСН ТОРДГО.

Амрар олдсн зөөрин тускар, терүгән эдлҗ чадлго тараһад, һарһад чиләчкснә тускар эн үгмүдт келгднә. Үлгүринь келхлә, һанц әмтә байн төрлнь өңгрәд, терүнә үв-эдиг нег угатя төрлнь авад, эдлҗ эс чадхла, «нохан геснд шар тосн тордго» гиҗ келнә.

Эн товчта үгиг келхләрн, олнд тус уга, хулха кедг, авлһ авдг улсин тускар бас келнә, юңгад гихлә, хулха кеһәд, авлһ авад, әмт мекләд йовдг улс илдәд, бәргдхләрн, засгла харһна, хулхалҗ авсн юмнаннь ялынь, зарһла харһад өгх зөвтә болҗ һарна. Тиим улсин тускар бас эн үгмүдт келгднә.

НУР ДУНДАН НУҺСН СӘӘХН, НУТГ ДУНДАН НОМТ СӘӘХН.

Гүн сурһульта, ик номта күүнә нилчиг, орн-нутгт күргсн тусиг өөдәнәр темдглҗ, тиим күүг нур дундк нуһснла дүңцүлҗ, номта күүнә тоомср эн үлгүрт үзүлгдҗәнә. Хавр болад, халурҗ нарн мандлхла, хамг зүсн җивртнр өргн теегин нуурмудт ирҗ, үүрән ясҗ өндглнә. Тер олн зүсн җивртнр заагт уснд дурта нуһсн шовуд чигн аглһ һазрт бәәдг нуурмудар ирҗ өндглнә. Нигт хулсн-зегсн урһсн нуурмуд дунд нуһсд үүрән ясҗ, өндгән дарҗ, һууҗулҗ, тер һууҗмлмудан асрҗ өскнә. Нур дунд уснд йовх нуһсд хәләхд басл сәәхн һәәхмҗ болҗ үзгднә.

Номын халхар ик гүн сурһульта күн болвас нутгтан тоомсрта болҗ, нерән холд һарһна.

НУУЧИН ЮМИГ, ГЕРӘН ҺУРВ ЭРГЧКӘД, КЕЛДГ.

Саг-серггәр бәәхин туск сурһмҗ энүнд өггдҗәнә. Сагас сән юмн уга, юңгад гихлә, герт нуучин юм күүндҗ бәәтл, герин һаза кенән ирснь медгдл уга чигн бәәх. Тер учр деерәс чигн, кен чигн күүнд эс медүлх нуучин юмна тускар келхләрн, эврәннь герән һурв эргчкәд, келх кергтә гиҗ эн товчта үгд келгдҗәнә.

Познавательные статьи:



Формы дистанционного обучения

Передача мяча двумя руками снизу

Значение правильной осанки для жизнедеятельности человека

Основные ошибки при выполнении передач мяча на месте