Нег темӘнӘ хорҺснд миҢҺн темӘн хальтрдг.

↑

⇐ ПредыдущаяСтр 84 из 156Следующая ⇒

НЕГ ТЕМӘНӘ ХОРҺСНД МИҢҺН ТЕМӘН ХАЛЬТРДГ.

Нег күүнә һарһсн эндү йовдлас көлтә, олн күн чигн нерән һутадг, ичдг зөвтә гиҗ энүнд келгдҗәнә. Эн үлгүр келхләрн, нег темәнә хорһсар үлгүр авч, нег күүнә кесн гемд миңһн күн чигн зовдг гиҗ, келгдҗәнә. Тегәд эн товчта үгин һол болгч учр-утхнь болхла, зәрмдән, негл күн эврәннь му йовдларн, кесг олн күүнә нер будад, тедниг ик зовлңла харһулна гисн чинртә үгмүд.

НЕГ ХОТНА НОХА НЕГ АЮ ХУЦДГ.

Нег хотна (селәнә) улс ни бәәтхә гисн, чинр-утхта үгмүд, терүг нег бара эс гиҗ солю үзхләрн, дегц терүнүр хуцдг нохасла дүңцүлҗ, ни-негтә амр бәәхин тускиг медүлҗәнә.

НЕГ ХУДЛ КЕЛСН КҮҮГ ХӨӨННЬ ИТКДГО.

Худл келснәс му юмн угань медгднә. Худлч күүнд цугтан дурго болна, терүг иткдгән әмтн уурцхана, дурго нүдәр терүнүр әмтн хәләцхәнә. Ташр деернь болхла, нам, негл дәкҗ худл келсн күүг хөөннь иткдгән цугтан уурцхана, юңгад гихлә, худлч күн болвас олн әмтн дотр итклән барҗ, үнән геенә.

НЕМНӘТӘ ТЕМӘН ҮЗЛТӘ БОЛДГ.

Дигтә-тагта, зөв үзлтә хувц өмссн күүнәс сән бәәдл һарна гисн, чинртә үгмүд. Немнә гисн үгин учр-утхнь болхла, темәнд зөвләд ишкәһәр уйсн, терүнд өмскдг немнә. Намрин серүнлә эс гиҗ киитн хур орсн цагла, үвлин киитнлә темән бичә даартха гиһәд, нимгн ишкәг хойр давхрлад хавад, темәнд хойр бөкнднь углгддгар, утарн темәнә хәврһднь күрдгәр хуча кедг бәәсмн. Тиим хучаг темәнә немнә гиҗ хальмгуд келдг билә.

Эн товчта үг келгдхләрн, күүнә тускар чигн келгддмн гиҗ, келх кергтә. Үлгүринь келхлә, үзл, баран уга күүнд сән өңгтә, сән зүстә, сән янзта хувц өмскхлә, тер күүнә дүрнь оңдарад, үзлтә болн барата болҗ әмтнд үзгднә.

НЕР ҮКХӘР, БИЙ ҮКСН ДЕЕР.

Му нертә әмд бәәснд орхнь, үксн деер гисн чинртә үгмүд. Нерән һутахмн биш, нернә төлә үктлән ноолдх кергтә гисн сурһмҗ энүнд өггдҗәнә. Эврәннь нерән бүтнднь хадһлна гидг төр кен чигн күүнд ик чинртә болҗ тоолгдна. Сән нертә күүг олн әмтн тоомсрлҗ күндлнә, тиим күүг олна көдлмшт орулҗ, өөдән һарһна. Му нертә күүг му нүдәр хәләнә, терүг күндлхш, терүг өөдән һарһҗ олна көдлмшт орулхш. Тер учр деерәс чигн эцк-экнь эврәннь үрн-садндан баһаснь авн «нерән бичә геетн», «нер үкхәр, бий үксн деер» гидг үлгүр бичә марттн гиҗ, сурһмҗан өгцхәнә.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов