МУУҺАС МОҢҺЛ ШАВР ҺАРДГ.

↑

⇐ ПредыдущаяСтр 81 из 156Следующая ⇒

МУУҺАС МОҢҺЛ ШАВР ҺАРДГ.

Мууһас чигн сән һардмн гисн үгмүд. Һазрин му шавр малта бәәтл, цааһаснь моңһлас гиҗ мокн шавр чигн һарад ирнә. Тер мокн шавр үлү сән бат шавр болдмн. Эн йовдлыг авад шинҗлхлә, мууһас сән чигн һарна гиҗ келгдҗәнә. Үзл-үзмҗ уга эк-эцк хойрас ухата сән көвүн эс гиҗ сәәхн күүкн һарад, өсәд-босад, күн болад, үлү гидг билгтәдән, сурһуль сурад, олнд ик өөдән нер зүүһәд, олн әмт толһалад, нерән холд һарһад йовдг саам бәәнә. Му гүүнәс хурдн унһн, му үкрәс сән туһл һарсн цагт, эн үлгүр келгднә.

МУУҺИН УХАН ХӨӨНӘС.

Юмиг урдаснь тоолҗ ухалл уга, керг давҗ одсна хөөн, орҗ ирсн ухана тускар энүнд сурһмҗ өггдҗәнә. Хол тоолврта, өөдән серлтә күн болвас кех-күцәх хамг төрән ик урдаснь тоолҗ, ухалҗ санад, кех-күцәх кергтән урдаснь белдвр кедгнь кенд болвчн медгднә.

Тату тоолврта, юн чигн юмиг шамдҗ шулуһар ухалхдан хашң күн болхла, терүнә хаҗуднь бәәсн улс шамдһа болн шулун тоолвртадан юн чигн юмиг ухалад кечкснә хөөн оч, «би бас тиигҗ кехәр бәәнәв» гиҗ, тер күн келдг төләднь, тиим күүнә тускар «мууһин ухан хөөнәс» гиҗ үлгүрт орулҗ келгднә.

МУКА БОЛВЧН — УТХ, МУ БОЛВЧН — ЗАЛУ.

Залу өрк-бүлин эзн, тегәд энүнә күргдг нилчин тускар келҗ, терүг утхла дүңцүлҗәнә, залу кедү му болвчн, өркин эзн болдг төләднь, терүнә чинрин тускар энүнд келгдҗәнә. Кезәнә цагт, болхла, хальмг залу күн болвас бүсиннь белдән эрк биш булһар гертә утх зүүдг бәәсмн. Залу күн альд йовдг болвчн, белдк утхас сән зер-зев уга болдг билә. Кемр хортн дәврхлә, утхарн терүнәс бийән чигн харсҗ болдг бәәсмн.

Залу күүнә чинриг хальмг улс икәр өөдән һарһҗ келхләрн, өрк-бүлиннь толһань болгчнь залу күн болдг төләд, тер залу ямаран-кемәрән болвчн залу күн гиҗ, залу күүнә чинринь өөдән һарһҗ, магтҗ келдг бәәсмн. Тегәд утх ямаран мука болвчн, зер-зевин тоод орҗ, әмнә харслт, залу му болвчн, өрк-бүлин нөкд.

Н

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности