Нарн уга зун — зун биш, наадн-инӘдн уга нӘр — нӘр биш.

↑

⇐ ПредыдущаяСтр 83 из 156Следующая ⇒

НАРН УГА ЗУН — ЗУН БИШ, НААДН-ИНӘДН УГА НӘР — НӘР БИШ.

Әмтн нәр-нааднд дуртаг медүлҗ, тиньгр-таньһр, дән-даҗг уга бәәхд дурта. Әмтнә уха-седкл үзүлҗ, тиньгр-серглң җирһл бәәдл уга болхла, терүг нарн уга бүркг өдрлә дүңцүлҗ, әмтнә күцлгч седкл эн үлгүрт келгдҗәнә. Зуна сар эклхлә, зууньрад халун болдг, тер кемлә нарна халунь улм икдәд, һазрин өвс өгрәнә, хамг әмтиг нарн халуһарн зована, тер цагт, халунас зулад, сүүдртә һазрур темцҗ одцхана. Ик кезәнә цагас нааран әмтн ик-баһ уга нәәрсг-наадсг болдгнь медгднә.

НАРНА ГЕРЛ ҺУРВЛҺ ШОВУНД ХАРШ.

Юмнд харш болад, терүнд мууһан халдахар седәд йовдг хар саната күүнә тускар келгдҗ, терүг нарта өдрлә юм үздго һурвлһла дүңцүлҗ, тиим күүг бурушаҗ шалһҗана.

НӘӘРИН АХРНЬ СӘН, НАСНА УТНЬ СӘН.

Юнчн юмн ямаран сән болвчн, әмтнд таасгдвчн, болв тер болзгта, цагта, тегәд нәр-наадыг уданар татл уга, цаглань төгсәсн сән гисн, чинртә үгмүд. Болв нег юмн удан бәәхдән дурта күн, ут наста болх дутман, улм сән. Нәр кехләрн, ахрар кех кергтә, юңгад гихлә, нәр дегд ут болхла, тер нәәрт ирсн улс цуцрад, муурад, болҗах нәәрт оньган өгл уга бәәдг төләд, тиигҗ келгднә, зәрмдән ут нәр кергт харш болна. Насн ут болх дутман, кенд болвчн тустань ил медгднә.

Нәәриг ахрар кехлә, тер нәәрт үзүлҗ бәәх зүсн-зүүл билг-эрдмин чинрнь өөдән болҗ, нәәрт орҗ бәәх улс терүнд оньган икәр өгч һәәххнь мел маһд уга, терүнд күн сергнә, амрна, уудьвран һарһна.

НЕГ СҮҮДӘН ХОЙР ТАРВС СҮҮВДХД ХАТУ.

Кех, күцәх көдлмшт эв-арһ бәәнә, терүг арһинь олзлҗ, чикәр эс кехлә, бичкн, гиигн юмн чигн күнд болҗ һарх зөвтә. Юмиг эв-арһар тоолҗ кех кергтә гисн сурһмҗ энүнд өггдҗәнә. Энүнд һанцхн тарвсин тускар келгдҗ бәәнә гиҗ санхмн биш. Хойр тарвсиг нег сүүдән сүүвдхд хатунь, кенд болвчн медгдҗәнә. Болв эн товчта үгиг келхләрн, тарвсар үлгүр авч, хойр зүсн көдлмшиг дегц кехд хату гиҗ чигн келгдҗәнә. Үлгүринь келхд, худгас ус татҗ авх көдлмшиг, худг малтх көдлмшлә, нег һазр хамднь кеҗ болшго.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров