Му гиҖ бичӘ деерлк — юн болхинь кен медлӘ, сӘн гиҖ бичӘ зуҺуд — яахинь кен медлӘ.

↑

⇐ ПредыдущаяСтр 79 из 156Следующая ⇒

МУ ГИҖ БИЧӘ ДЕЕРЛК — ЮН БОЛХИНЬ КЕН МЕДЛӘ, СӘН ГИҖ БИЧӘ ЗУҺУД — ЯАХИНЬ КЕН МЕДЛӘ.

Күүг бәәдләрнь бичә үнл гисн үлгүр. Эн ик гүн ухата болн чик сурһмҗта үлгүр. Холар тоолад ухалхла, кен чигн күүг му гиҗ, дөөглҗ, терүнд деерлкхмн биш гисн утхта үлгүр. Му бәәдлтә күн өсәд, босад, өөдләд, көлд орад ирхләрн, тер күн кен болхинь урдаснь медҗ болшго. Өөдән үүлд бәәх күүнд зуһудхмн биш, юңгад гихлә, тер күн цаарандан бән бәәтлән кен болхинь, яахинь урдаснь бас медҗ болш уга.

МУ ДӘӘЧ ТАНЬДГТАН ДЕЕРЛКДГ.

Эврәннь таньдг күүнд деерлксн күүг шалһҗ келгдҗәх үлгүр. Зөрг уга, хортна өмнәснь сөрҗ, дәәлдҗ эс чаддг, «му дәәч таньдгтан деерлкдг» гиҗ, тиим күүг авад бәрҗ келдмн гих кергтә.

Эврәннь таньдг-үздг улстан деерлкдг, һазаһин хортн дәәснүр дәврҗ дәәлдх цаг болхла, тиим му дәәч күн цугтаһас түрүлҗ хәрү хәрҗ зулдмн. Тиим әәмтхә му дәәчд әмтн йир дурго болсн деерән, терүг наад бәрәд, «му дәәч таньдгтан деерлкдг» гиҗ, үлгүрт орулҗ келдг болсмн. Кемр цергин му ахлач өшәтнд цокгдад, эврәннь цергчнүр «чидл» үзүлҗ, дәврхлә, эн үлгүр олзлҗ болхмн.

МУ КҮН, ТҮҮМР АЛДҖ, НЕР АВДГ.

Эргү күн, ямаран болвчн, нег му йовдл һарһна гисн чинртә үлгүр. Үлгүринь авад келхлә, тиим күн түүмр чигн алдад (өгәд) олн әмтн заагт терүнә нерн һарна. Тегәд чигн тиим күүнә тускар «Энтн йир эргү, тоолвр уга, өөрхн ухата күн. Му күн идсн-уусан келдг. Сән күн үзсн соңссан келдг» гиҗ, бас келгднә.

МУ МАХНД ӨВСН-ТООСН, МУ КҮҮНД ҮГ-КҮР.

Му күүнә тускар энүнд келгдҗәнә. Тиим күүнә тускар, терүнә һарһсн эргү йовдлын тускар әмтн күр кеҗ, күүндцхәнә. Тиим күүг му махнла дүңцүлҗәнә. Тиим махиг әмтн керглҗ хәләхш, альд болвчн хайчкна, тедү мет му күүг керглҗ тоолхш. Амтн уга, му эцсн махиг кен чигн төртән авл уга, альд болвчн оркна. Тегәд чигн тер махн өвстә-тооста, бузр-була һазрт хадһлгдна.

Хол тоолвр уга, өөрхн ухата, бийәсн талдан күүһәр төр авдго, юмар соньмсдго, хот-хол уухас талдан юм эс меддг, юм ухалдго күүг тиигҗ әмтн келцхәнә.

Познавательные статьи:



Техника прыжка в длину с разбега

Организация работы процедурного кабинета

Области применения синхронных машин

Оптимизация по Винеру и Калману