МЕКЛӘ ҺӘРӘДВ-ҺӘРӘДВ — ЧАЛЬЧАГТАН.

↑

⇐ ПредыдущаяСтр 74 из 156Следующая ⇒

МЕКЛӘ ҺӘРӘДВ-ҺӘРӘДВ — ЧАЛЬЧАГТАН.

Сансн санань эс күцхлә, кесн көдлмшнь өмәрән эс йовхла, тиим күүг чальчагтан бәәх мекләлә дүңцүлҗ шалһҗах үгмүд. Эн товчта үгиг келхләрн, мекләлә дүңцүлҗ, меклә кедү кевтә һәрәдв чигн, эврәннь бәәх бичкн уста болн бальчгта һазрасн холд һәрәдҗ чаддго гиҗ келгдҗәнә. Кен чигн күн кедү кевтә өөдлхәр, өөдән һархар седвчн, эврәннь чидләс даву, эврәннь эв-арһасн даву юм кеҗ, күцҗ мел чадшго, кедү кевтә күгдлвчн, терүнә күчн-чидлнь эс күрхлә, меклә кевтә эврәннь чальчагасн давҗ, холд одҗ чадшго гисн чинртә үгмүд.

МЕКЛӘД НООСН УРҺХИНЬ КҮЛӘ.

Күцәҗ кеҗ болшго кергин эс гиҗ кезәчн күцшго юмна тускар эн үгмүд олзлгдна. Меклән арснднь ноосн уга болдгнь кенд болвчн медгднә. Болв «мекләд ноосн урһхинь күлә» гидг товчта үгиг келхләрн, кен чигн күүнә сансн санань, тер кемр санань зуг хоосн чееҗд бәәх, мел төрүц күцшго санан болхла, тегәд эн үгмүд орлцна.

МЕКЧ НЕГНДӘН, МЕРГН ХОЙРТАН.

Күүг нег меклҗ болх, болв терүг хойрдад меклҗ болшго гиҗ мектә кү шалһҗах үлгүр. Мергн төв хадг күн нег хаһад алдвчн, хойрдад хаһад тусҗ чадх гисн чинртә үгмүд. Мекч күн негл дәкҗ меклҗ чадх, цааранднь терүнә мекинь медчксн әмтн тиим мекч күүг мел төрүц иткшго болдг төләднь, тиигҗ үлгүрт орулгдҗ келгднә гих кергтә.

«Мергн хойртан» гисн үг болхла, сән төвәр бу хадг күн, түрүн авгтан аңгиг хаһад алдад оркдг болвчн, хойрдгч халһндан эркн биш хаҗ аңд тусдг төләднь, тиигҗ келгднә.

Мекч күн мел кезәчн итклән барсн күн болсн деерән, мел цаг кезәд олн әмтнд дурго нүднд үзгднә, нерән буурулна гиҗ бас келх кергтә.

МОҺА ГЕРТНЬ ОРАД, ЭЗИНЬ КӨӨҖ.

Күүнә юмнд эзн болдг күүг эн үгмүд шалһҗана. Эн товчта үгиг хальмг улс келхләрн, зуг моһаһар үлгүр авч, терүнлә дүңцүлҗ, күүнә герт орчкад, ичр-һутр угаһар, эзинь эврәннь гертәснь һарһҗ көөдг күүнә тускар келгдҗәнә. Учр юңгад гихлә, күмн-әмтнә җирһлин хаалһд, зәрмдән, йовдсн күн йовҗ йовад, күүнә герт орҗ ирчкәд, күч үзүләд, герин эзинь көөҗ һарһад, тер геринь эзләд чигн бәәдг учр-йовдл хара биш һарна.

Познавательные статьи:



Где возникла философия и почему?

Относительная высота сжатой зоны бетона

Сущность проекции Гаусса-Крюгера и использование ее в геодезии

Тарифы на перевозку пассажиров