МӨргӘч Үкрт заячнь Өвр эс заяҖ.

↑

⇐ ПредыдущаяСтр 77 из 156Следующая ⇒

МӨРГӘЧ ҮКРТ ЗАЯЧНЬ ӨВР ЭС ЗАЯҖ.

Эн товчта үгд мөргәч үкрин тускар келгдсн деерән, му, догшн, киизң заңта күүнә тускар бас келгдҗәнә. Му заңта, киизң ухата күүнд һартнь йос өгхмн биш гисн учр-утхта үгмүд. Тиим күүг мөргәч үкрлә дүңцүлҗәнә. Кемр мөргәч үкрт заячнь өвр өгсн болхла, тер эврәннь эзән биш, өөр шидр бәәсн улсиг чигн мөргәд, теднд харшан халдах бәәсмн. Му, догшн, киизң заңта күүнд йосн йовдл һартнь өгхлә, тер күн, мөргәч үкр кевтәһәр, эврәннь толһалҗ бәәсн улсан болн хаҗудан бәәсн улсиг чигн керлдәд, шоодад, тедниг икәр зовах маһд уга.

МӨРИГ ГҮҮХ ДЕЕРНЬ ШАВД.

Кеҗ, күцәҗ йовх керг, төриг сәәнәр күцх деернь улм цааранднь сәәнәр күцәхәр адһҗ, шунҗ-шамдҗ көдл гисн чинртә үгмүд. Терүг сәәнәр гүүҗ йовх мөрнлә дүңцүлҗ, улм чаңһар гүүлгхин кергт ташмгар шавд гисн сүв-селвг өггдҗәнә. Эн товчта үгиг келхләрн, мөрнә тускар келгдҗәхнь кенд болвчн ил медгдҗәнә.

МӨРН МООМРХЛА — НОХАД МӨР.

Моом гем йир хальдврта болн әәмшгтә гем. Кемр тер гемәр мөрн мал гемнхлә, тер мөрн үкл уга бәәхш. Тиим әәмшгтә болн хальдврта гемәр үксн мөрнә махиг мөрнә эзнь зуг нохадан өгч идүлдмн, юңгад гихлә, нохад тер моом гем хальддмн биш. Эн товчта үгмүдиг күүнә тускар олзлҗ болхмн. Кемр ик нәр болад олн күн цуглрад, хот-хол кеһәд тоовр-таквр кеһәд әмт тоохла, хаҗуднь бәәх гиич биш улс бас тер хотд күртнә. Тиигхлә теднә мөрнь гүүҗәнә гиҗ келҗ болхмн.

МӨРН НОМҺН, ЭЗНЬ ЙОВҺН.

Эзнь, эврәннь унҗ бәәх мөрнәннь номһнднь икәр нәәләд, тушл уга сул тәвәд идүлчкхләнь, тернь өлн болсн учрар сән идг хәәһәд холд йовҗ одхлань, эзнь йовһн үлддг чигн саам харһна.

Эн товчта үгәс үлгүр авад, кен чигн күн бийдән иим сурһмҗ авхла, йир чик болх зөвтә: кеер, мөртәһән йовсн цагтан, мөрн ямаран номһн болдг болвчн, унҗ йовсн мөрән тушҗ тәвҗ, идүлх кергтә, терүнә номһнднь ицхмн биш гиҗ, бийнь бийән иткүлх зөвтә.

МӨРНӘ СӘӘГ УНАД МЕДДГ, МӨҢГНӘ СӘӘГ ХӘӘЛӘД МЕДДГ.

Ямаранчн юмиг сәәнәр шинҗлҗ хәләҗәх кергтә гисн чинртә үгмүд, теднә сәәнинь яһҗ медхин тускар энүнд сүв-селвг өггдҗәнә. Ямаран юн чигн мөрн удан уната, чидлтәһинь, тер мөриг унад, хол хаалһд йовхла, тер медгднә. Юн чигн цаһан мөңг хольвр уга цевр эс цевринь, хәәлхлә оч медгднә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?