Лаата Һазр унулта болдг.

↑

⇐ ПредыдущаяСтр 72 из 156Следующая ⇒

Л

ЛААҺИН УНУЛАС САГЛ.

Таньдго, ут хаалһд йовхларн, саглҗ, болһаҗ йов гисн чинртә үгмүд. Ла унулта, бальчгта һазр. Эс саглсн учр деерәс терүнд орхларн, тер унулас көлән татҗ һархд берк болдг төләд, «лааһин унулас сагл» гиҗ цугтад сүв-селвг эн үлгүрт өггдҗәнә.

ЛААТА ҺАЗР УНУЛТА БОЛДГ.

Лаата һазр гисн ик гүн, кен чигн күүнд көл өгшго, зәрмдән күн болвчн, мал-аһрусн болвчн орхларн, тер лааһин унулас һарч эс чадад, үкәд чигн оддг йовдл харһна.

ЛАМАС ДАВУ ЗАРҺЧ УГА.

Хаана йосна цагт, Хальмгт Шаҗн лам гелңгүдин хоорнд һарсн төр хаһлҗ, теднә зарһ кедг билә. Терүнә зарһас даву зарһ уга билә. Тер учр деерәс «ламас даву зарһч уга» гиҗ хальмг улс үлгүрт орулҗ келнә. Ташр тегәд ламин кесн зарһиг хаҗһр гиҗ келдг зөв уга болдг билә.

ЛАМАС ЗАМ АХ.

Һардачин, толһачин эс күцәсн, таслсн төриг, кергиг бичкн үүл дааҗах күнчн (бичәч/пииср, тооч) күцәдг саам бәәнә гисн чинртә үгмүд. Кезәнә хаана цагт, Хальмг таңһчин Бурхн шаҗна хувргудыг толһалдг Шаҗн лам гидг цолта болдг билә. Лам, хуврг (гелң) улст хот белдҗ кедг күүнә нернь замч болдг бәәсмн. Тегәд тер замч күн ламд хот белдхләрн, хотан ламд авч оч зооглулхасн (уулһхасн) урд, кесн хот болһнас (махн болну, цә болну) амтынь медхәр эркн биш амсҗ үздг бәәсмн. Тегәд энүгинь олн әмтн медәд, «ламас зам ах» гиҗ үгин немр кеҗ үлгүрт орулҗ келсмн.

М

МАХ ИШКСН КҮН ҺАРАН ДОЛАДГ.

Көдлмш кесн күн эрк биш терүндән үнинь авх зөвтә гисн чинртә үгмүд. Кен чигн күн ямаран чигн көдлмш келһнд орлцхларн, тер кегдсн көдлмшин аштнь күртх зөвтә гиҗ, эн товчта үгд келгдҗәнә. Кемр мах ишклцәд, тер ишксн махнасн эс идсн болдг болвчн, нам адг-ядхдан һаран чигн долаҗ чадҗана.

МАХНА ТӨЛӘ ШОР ТҮЛДГ.

Мах шарҗ идхин төлә модн шор һал деер шатагдҗ. Тегәд ору орулҗ авхин төлә һару һарһдг гиҗ чигн келгднә.

МӘӘЛӘ-МӘӘЛӘ ЙОВҖ МАЛ БОЛДГ, УУЛЯ-УУЛЯ ЙОВҖ КҮН БОЛДГ.

Кен чигн күн баһасн өсәд-босад, көлд орад, күн болсн күүнә тускар, терүнә тер баһ наснаннь зовлңгинь илдкҗ, олн әмтнд медүлхәр седхләрн, келгддг үлгүр. Эн күүнтн туһлын туруһар ус ууһад, туурһин хаһрхаһар нар үзәд, көлиннь көлсиг маңнадан түркәд, маңнаннь көлсиг көлдән түркәд, хот өгснднь хонад, баһ өгснднь үдләд, «мәәлә-мәәлә йовҗ мал болсн, ууля-ууля йовҗ күн болсн» күн энтн. Эрнҗәнә К. «Һалан хадһл» гидг романд иигҗ бичгднә: «Мәәлә-мәәлә йовҗ мал болдг, ууля-ууля йовҗ күн болдг» — Батан умшлһ соңсчкад, ик хар багш, хату һадрта зузан дегтрт өвкиннь, эцкиннь, бийиннь нер, альк әәмгәһинь сурҗ бичв. Маңһдурас авн асхни үдин хөөн гертәсн ирҗ сурдг көвүдлә хамдан ирхмч, — гиҗ келн, хар сармта цаһан мөңгн хәәрцгәс, демср тәмк авад, цааснд оран бәәҗ, хөөч йовсн, ода бичәч (пииср) болх залу гив».

Познавательные статьи:



Техника прыжка в длину с разбега

Тактические действия в защите

История Олимпийских игр

История развития права интеллектуальной собственности