МОҺАН ЭРӘНЬ ҺАЗАНЬ, КҮҮНӘ ЭРӘНЬ ДОТРНЬ.

↑

⇐ ПредыдущаяСтр 75 из 156Следующая ⇒

МОҺАН ЭРӘНЬ ҺАЗАНЬ, КҮҮНӘ ЭРӘНЬ ДОТРНЬ.

Күүнә санҗах ухан-седкл, терүнә тоолвр эс медгдсн учрар терүг мел ил юмнла дүңцүлх, моһан эрәһәр дамҗулҗ медүлҗәнә. Моһан эрә ямаран тодрха ил, тедү мет күүнә санан тодрха биш, ю санҗахнь, тоолҗахнь медгдхш. Эн кү моһа хойриг дүңцүлҗ келхләрн, ик хол тоолвртаһар, гүн ухатаһар келгдҗ. Моһан эрәнь (шар цоохр моһа, бор цоохр моһа эс гиҗ шар толһата моһа) һазань бәәдгнь кенд болвчн ил медгднә. Болв «күүнә эрәнь дотрнь» гиҗ келгдхләрн, кен чигн күүнә дотрк ухан-седклин тускар келгдҗәнә, юңгад гихлә, кен чигн күүнә ю санҗахнь цугтад медгдхш.

МОДН ХОЙР ҮЗҮРТӘ БОЛДМН.

Күн мел нег кевәр йовдмн биш, негт сәәнәр, негт мууһар чигн йовдмн гисн үгмүд. Эн товчта үгиг келхләрн, юн чигн юмн селгәтә болдг төләд, «модн хойр үзүртә болдмн» гиҗ келгдҗәнә. Тер үгин учр-утхнь болхла, хойр күүнә хоорнднь үгин зүткән һарад, негнь негән шүүһәд, марһаһан авад диилхләнь, марһандан диилгдсн күнь диилсн күүндән иигҗ чигн келнә. «Не сән, эн саамдан чини мөрнчн гүүв, чи марһанд диилвч, болв дарук саамд чи диилх эс диилхинь күн медҗ болшго. Модн хойр үзүртә болдмн. Терүг чи медх зөвтәч».

Тегәд чигн эн товчта үгиг хальмг улс амн үгиннь чимр кеҗ, «модн гисн юмн хойр үзүртә болдмн» гиҗ келдг болсмн. Модн хойр үзүртә гиҗ келхләрн, күмн-әмтнә җирһлд, селгән, даран уга юмн уга болдг төләд, модна нег үзүрнь нег саамдан кен чигн күүнд тусан күргнә, талдан нег саамд тушаһан чигн халдаһад оркна.

МОДНА ҮМКӘРСИНЬ БИЧКН САЛЬКН ЧИГН УНҺАДГ.

Юн болвчн көгшн болхла, терүнә чидл тату, терүг кен болвчн диилхмн гисн чинртә үгмүд. Үмкәрәд, әрә торч бәәх урһа модыг арһул үләҗәх салькна бийнь чигн унһадг гиҗ эн товчта үгд келгдҗәнә. Эн үгин учр-утхнь болхла, юн чигн урһмл үмкәрхләрн, урднь бәәсн батан гееһәд, күүрг болад одхларн, әрвҗ уга салькна үләлһнд хуһрад унҗ одна. Эс үмкәрсн урһа модн ямаран нәрхн болдг болвчн, нам догшн салькна бийднь хуһрҗ унл уга, заңһрад, нәәхләд бәәһәд бәәнә.

Эн товчта үгиг үлгүрт орулҗ келхләрн, эрүл урһҗ бәәх юн чигн урһмл модн болвчн, хулсн, зегсн, өвсн болвчн салькна аю дахад уйдад, нәәхләд бәәв чигн, күүрг болвчн, хуһрҗ ундмн биш гиҗ келгдҗәнә.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов