Ноха ӨргндӘн кҮрхлӘ — усчдг.

↑

⇐ ПредыдущаяСтр 87 из 156Следующая ⇒

НОХА ӨРГНДӘН КҮРХЛӘ — УСЧДГ.

Арһнь барад, мекнь илдәд, нань келдг үг уга болад бәргдхлә, эн үгмүд келгднә. Ноха уснд орад, усн өргнднь күрәд ирхлә, арһнь уга болхларн, усчх зөвтә болҗ һарна. Болв эн товчта үгд зуг һанцхн нохан тускар келгдҗ бәәнә гиҗ санхмн биш. Эн үгд күүнә тускар келгдҗәнә. Үлгүринь келхд, зәрмдән мек-тахар бәәһәд дасчксн күн, терүнә әмт меклдг мекнь илдҗ һартлан, мекләд йовҗ йовад, цагнь болад, терүнә аальнь чиләд, мекнь илдәд, һарч ирсн цагт, арһнь уга болад ирхләрн, үнән келәд, олнас гемән эрҗ сурх зөвтә болҗ һарна. Тиим күүнә тускар «ноха өргндән күрхлә — усчдг» гидг үлгүр келгднә.

НОХА СҮҮЛӘН ЗАРДГ.

Залху күүнә тускар келсн үгмүд. Эн товчта үгиг келхләрн, нохала дүңцүлҗ, күүнә тускар келгдҗәнә. Юңгад гихлә, нохаг күн юмнд зарш угань цугтад медгднә. Зәрмдән нег күүг, учр-зөв харһад, юмнд зархла, тер бийнь йовхдан залхурад, хаҗудан бәәсн талдан нег күүг бийиннь ормд зархла, эн үгмүдт келгднә. Энүнә учр-утхнь болхла, залху эврән бийнь көдлмш һарарн авч кехдән дурго, бийиннь кех көдлмшән күүһәр келһхдән дурта күүг шалһҗах үг гиҗ, келх кергтә.

НОХА ТЕРГН ДОР ЙОВЧКАД, БИ ЧИРҖ ЙОВНАВ ГИДГ.

Залху, чидл уга күүнә тускар энүнд келгдҗ, терүг тергн дор йовх нохала дүңцүлҗ, энүг илдкҗ шалһҗана. Зәрмдән көдлмш кеҗ йовх улс заагт бәәһәд, бийнь хара бәәчкәд, «би бас теднлә әдл көдлмш келәв» гиҗ келдг күн харһна. Эн товчта үгд залху улсин тускар, нохаһар үлгүр авч, келгдҗ бәәнә гих кергтә.

НОХА УГАД ҺАХА ХУЦДГ.

Эн үг келгдхләрн, нохан чигн тускар келгдҗәхш, һахан чигн тускар келгдҗәхш. Энүнд күүнә тускар келгдҗәнә, юңгад гихлә, һаха хуцҗ эс чаддгинь кен болвчн меднә. Эрдм уга күн эрдмтә күүнә үүл даахла, эн үгмүд келҗ болҗана. Олна җирһлд зәрмдән медрлтә, дамшлтта күүнә кех кергиг терүнә тускар төрүц юм эс меддг, наку-таку уга күн кехәр седнә. Тиигсн цагт, тиим күүнә тускар эн үгмүд келгднә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?