НҮДӘРН ҮЗСН ЮМН ТЕМДГТӘ.

↑

⇐ ПредыдущаяСтр 90 из 156Следующая ⇒

НҮДӘРН ҮЗСН ЮМН ТЕМДГТӘ.

Кедү сәәнәр келҗ цәәлһснд орхнь, эврән одад, нүдәрн үзсн сәәнәр темдглгднә, тодрха болна гиҗ энүнд келгдҗәнә. Юн чигн соңсхврас эврән нүдәрн үзсн юмн кезәчн күүнә сананас һархш, мел төрүц мартгдхш гиҗ, эн товчта үгд келгдҗәнә. Үлгүринь келхд, нег күүнә тускар күүнәс соңсснд орхнь, терүг эврәннь нүдәр үзәд, харһад, күүндәд, тер күүнә нер-усинь медҗ авхла, тер кезә чигн сананд сангдад, уханд тодлгдад, мартлго йовгдна. Үлгүринь, үзәд уга балһсна тускар күн келҗ өгхләнь, тер сәәнәр тодлҗ медхд амр юмн биш. Кемр тер балһсиг эврән нүдәрн үзхләрн, терүнә бәәдл-дүрнь уханас һархш. Тегәд чигн «нег үзсн юмн темдгтә» гиҗ келгдҗ, үлгүрт орна.

НҮДН — ҮННЧ, ЧИКН — ХУДЛЧ.

Соңссн тоотан цугтнь иткҗ, үннд тоолҗ болшго, тедн немгдәд эс гиҗ татуһар келгддг саам бәәнә. Эврән нүдәрн үзсән күн эндүршго. Тер учрар соңссн тоотан цугтнь үннд бичә сан гисн сурһмҗ энүнд өггдҗәнә. Кен чигн күн болһн эврәннь нүдәрн үзсн юман лавта иткдгнь цугтад медгднә. Тегәд чигн энүнә тускар үлгүрт орҗ, «нүдн үннч» гиҗ келгднә. Күүнә чикнә тускар тиигҗ келҗ болшго, юңгад гихлә, чикнд чикн бәәнә: зәрм күн сонр чиктә, юмиг сәәнәр болн тодрхаһар соңсна, зәрм күүнә чикнь сонр биш, юмиг мууһар соңсна, зәрмдән нам хаҗһр чигн соңсдг күн бәәнә.

НҮҮНӘ ГИСН БҮҮР ҮВЛЗҢ БОЛДГ, ХӘРҮЛНӘ ГИСН ГЕРГН АВАЛЬ БОЛДГ.

Нег керг күцәхәр седәд, терүгән кесгтән күцәл уга, терүнәннь тускар давтад, келәд бәәхлә, эн үлгүр олзлгдна. Кеһәд, күцәһәд уга кергән бичә давтад, келәд бә гисн, сурһмҗ энүнд өггдҗәнә. Гергән һолад, терүгән хәрүлхәр седәд, келә йовҗ, тернь олн үрн-садта болад, авальд хүврсн гергнлә тиим күн дүңцүлгдҗәнә. Зәрмдән нег күн бүүрән сольхар седәд, ода бәәх бүүрәсн нүүҗ, талдан һазрт оч буухар бәәнәв гиһәд, гертән орсн-һарсн тоотд келә бәәҗ, тер бәәсн бүүртән үвл болтл бәәһәд, тер һазртан үвлзәд чигн һардг бәәсмн. Талдан нег күн болхла, шинәс гер-мал болад бәәҗәһәд, авсн гергнь эс таасгддгин учр деерәс, гертән ирсн күн болһнд ода эн гергән хәрүлҗ, талдан нег тааста герг авхар бәәнәв гиһәд, келә-келә бәәҗ, тер хәрүлхәр седсн гергнләһән таарад үлдхләнь, тер күүнә тускар эн үлгүрт орулҗ келгдҗәнә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?