Олн Әмтнд туслхла — ирх алдр делгрдг.

↑

⇐ ПредыдущаяСтр 93 из 156Следующая ⇒

ОЛН ӘМТНД ТУСЛХЛА — ИРХ АЛДР ДЕЛГРДГ.

Олн әмтнд тусан күргәд йовхла, тиим күн ирх цагт әмтнд терүнә кесн медгдхлә, тиим күн тер цагларн алдршна гисн утхта үлгүр. Эн товчта үгиг келхләрн, олн улст тусан күргәд, олна сә хәәһәд, олнд зааһад, тедниг һардад, олна кергәс чидл-күчән әрвлл уга йовдг күүнә нернь өөдән һарад, делгрәд йовдгин тускар келгдҗәнә. Тиим күүг олн әмтн тоомсрлна, күндлнә, терүг дөңнҗ, олна көдлмшт орулна. Олн әмтндән тусан күргсн күүнә нернь өөдән һарад, оньдин дөрвн цагт делгрәд йовна. Тегәд олнд тусан күргсн кен чигн күн олнд таасгдна, олнд күндлгднә, олн әмтнд нерән делгрүлнә, сән нүднд үзгднә.

ОЛНЦГ УГА БОЛВЧН, ОРМАРНЬ ДӘВДГ.

Мөрнд тохдг эмәлин хойр талнь, күүнә көл бичә көлртхә, мөрнә хәврһнь күүнә көлд бичә зүлгдтхә гиһәд, зузан булһарар эс гиҗ улар кесн хойр дөрвлҗн бәәдмн. Тер хойр дөрвлҗиг хальмгаһар олнцг гиҗ нерәднә. Тегәд эмәлд олнцг уга болхла, терүг бәәдг ормарнь чигн мөриг хойр көләрн дәвх (шахх) зөвтә болҗ һарна, юңгад гихлә, хашң заңта мөриг эс дәвхлә, тиим мөрн сәәнәр хатрҗ йовҗ өгдго төләд, тиигҗ хойр көләрн дәвх зөвтә болҗ һарна. Ташр деернь болхла, олнцгта эмәл сән үзлтә, сән дүртә болҗ, мөриг кеерүлнә.

ОЛЫГ ДАХСН КҮН ЭНДҮРДГ УГА.

Онц бийәрн салл уга, олыг дахҗ, теднлә йовдл-җирһлән негдүлҗ йовтха гисн сүв-селвг энүнд өггдҗәнә. Олн әмтнәс ухата, күчтәнь орчлң деер уга болдгнь кенд болвчн медгднә. Цуг делкән тууҗд, ик кезәңк цагас авн олна (олн әмтнә) ухалҗ һарһсн цецн ухан, күчлҗ кесн, күцәсн кергтнь мел то-тоомҗ уга гиҗ, маһд угаһар келҗ болхмн. Тер учр деерәс чигн олн күчтә, ухата, зөргтә, олн әмтиг диилдг күчн делкә деер мел уга гиҗ келх кергтә.

Олн әмтн эндүрхш, хаҗһр хаалһд орхш, хамг зүсн зовлңгиг дааһад, өшәтн бийинь дәврсн цагт, өмнәснь зөрҗ ноолдад, терүг (өшәтиг) эркн биш диилнә.

ОМГ ӨНДР ҺАЗРТ УСН ТОГТХД БЕРК, ОНЬГ УГА КҮҮНӘ ЧЕЕҖД УХАНИ БИЛГ ТОГТХД БЕРК.

Оньг уга күн юм дасч чадшго, оньг уга болхла, терүнд билг-эрдм уга, тегәд терүнд сурһуль-эрдмд дасхд йир күчр, тедү мет өндр һазрт усн эс тогтснла әдл гиҗ, оньг уга кү терүнлә дүңцүлҗәнә. Өндр омг болн өөдм һазрт хур ямаран икәр ордг болвчн, усн зогслго, дорагшан, ташу һазр темцәд гүүҗ одхнь ил медгднә. Оньг уга күүнд кедү кевтә ухани билг-эрдм зааһад, келәд бәәв чигн, терүнә чееҗднь тер зааҗ келсн билг-эрдм тогтхд йир берк.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология