ЙиртмҖд му дала, му нӨкдӘс даву дӘӘсн уга.

↑

⇐ ПредыдущаяСтр 59 из 156Следующая ⇒

Й

ЙИРТМҖД МУ ДАЛА, МУ НӨКДӘС ДАВУ ДӘӘСН УГА.

Орчлңд күчр му йовдл харһдг саам дала бәәнә, болв орчлңгин му кедү күчр болвчн, му нөкдәс даву биш гих чинртә, тиим нөкдәс хол йов гих сурһмҗта үлгүр. Орчлңд олн зүсн му чигн бәәнә, сән чигн бәәнә. Үлгүринь авад келхлә, үвл ирәд икәр киитрхлә, хамг әмтә юмн болвас даарад зовна, цасн орад, шуурһн шуурхла — цуг әмтә хамг бас зовлңла харһад, түрү үзцхәнә. Эн товчта үгд болхла, йиртмҗин муула, му нөкд дүңцүлгдҗ келгдхләрн, нег уга деерәс келгдҗәхш. Юңгад гихлә, орчлңгин, йиртмҗин мууһас, кен чигн күн эв-арһан һарһад, бийән тер мууһас хадһлҗ эс гиҗ хальчлҗ чадхмн, му нөкд түрү-зовлң, әәмшг харһсн цагт, күн медҗ болх уга, әмнәннь арһ хәәһәд, хаҗудан йовсн нөкдән әәмшг харһсн һазрт һанц бийинь хайчкад, бийнь зулад йовҗ чигн оддг саам харһна. Тегәд тиим иткл уга му нөкдәс, бийән саглтн гисн сурһмҗ, эн товчта үгд өггдҗәнә.

ЙОВДСН НОХА ЯС КЕМЛДГ.

Залхурхмн, кевтхмн биш, кех кергән, күцәх төрән цаглаһан, залхурл уга кеҗ йовх кергтә гисн үгмүд. Эн товчта үгиг келхләрн, зуг йовдсн нохан тускар келсн үг биш. Юн чигн ноха энд-тенд гүүһәд йовхларн, хоңшарарн шиңшәд, кеер кевтсн яс чигн олҗ авад, кемләд идҗ чадхнь кенд болвчн медгднә. Эн үгин һол учр-утхнь болхла, кен чигн күүнә тускар келгдҗәнә, юңгад гихлә, гертәсн һарл уга, гертән кевтсн күүнд теҗәл-теткүл, эдлвр-ууш эврән учрш уга. Терүг йовад, хәәһәд олҗ авх кергтә гисн үгмүд.

Эн товчта үгд күүнд сурһмҗ, сүв-селвг өггдҗәнә. Эн сурһмҗин һол ухань болхла, гесән теҗәхәр седсн күн болвас йовҗ, көдлмш кех кергтә, тер цагт, теҗәл-теткүл чигн учрх, олдх.

ЙОР УРДАС, ЗАҢҺ ДЕЕРӘС.

Күүнә җирһлин хаалһд ямаранчн му йовдл, сән юмн урдаснь медгдҗ харһдг уга, тер генткн ирдг гисн чинртә үгмүд. Күн болһныг шинҗләд хәләхлә, негнь йорч, негнь болхла йорч биш. «Йор» гисн йорч күүнә шишлң бийиннь дотрк ухан-седклнь, юңгад гихлә, йорлҗ дассн күн болвас мел кезә чигн, ухан-седклдән «йорин» тускар санад, ухалад бәәнә: сөөд, нөөртән нег акад зүүд үзчкәд, өрүнднь босчкад, эн сө нанд нег йир соньн зүүдн орв гиһәд, терүнәсн бийнь сеҗнә. Дәрк әәлдг, ода энчн юн-күн болна, гиһәд, йорлад, бийдән амр өгл уга бәәнә.

Познавательные статьи:



Как правильно слушать собеседника

Типичные ошибки при выполнении бросков в баскетболе

Принятие христианства на Руси и его значение

Средства массовой информации США