Ичр уга элгнӘс ичртӘ дӘӘсн деер.

↑

⇐ ПредыдущаяСтр 58 из 156Следующая ⇒

ИЧР УГА ЭЛГНӘС ИЧРТӘ ДӘӘСН ДЕЕР.

Ичр уга элгн-садн күүг өшәтнәс дор гиҗ дүңцүлҗ, терүг шалһҗ, ичр күүнә нег эркн сән заң-авц, терүг эвдҗ болшго гисн сурһмҗ энүнд өггдҗәнә. Элгнд элгн бәәнә: нег элгнь болхла, цаһан седклтә, хар ухан уга, эврәннь элгн-садндан дөң болҗ, күндлҗ, тусан күргнә. Болв талдан нег элгнь болхла, бәәхтә, элвг эдлвр-уушта элгнәсн мел кезәчн ичр-һутр угаһар юм авад бәәхдән дурта. Мел шишлң тиим улсиг шалһҗ, тедниг бурутхҗ һарһсн товчта үг, юңгад гихлә, ичртә дәәсн, ичрән хадһлхин төләд, тер ичр уга элгнлә әдл юм һарһшго.

Ичр гисн күн болһна нег ахлгч чинрнь болна. Тегәд чигн кен чигн күн кезәд чигн ичрән гел уга, терүгән хадһлҗ йовх зөвтә гиҗ цугтад сурһмҗ өггдҗәнә.

ИЧР ҮКЛӘС ДОР.

Юмнас ичәд, чирәһән улалһҗ, келүлҗ, әмтнд му нер дуудулхин орчд, үксн деер гисн үгмүд. Ичрән геелһн икл му йовдл, ичр күүнә нег эркн сән заң-авц, терүг бәрҗ бәәх кергтә гисн сурһмҗ. Кен чигн күүнә хамгин эркн чинрнь ичр болҗ тоолгдна. Тегәд чигн олн әмтн ик кезәнә цагас нааран ичрән хадһлх арһ хәәҗ, ичрән геехәр эврән үксн деер гиҗ келдг бәәсмн. Кен чигн күүнд ичрән геесн, нерән гееснлә әдл болҗ тоолгдна. Эн товчта үгиг ухалҗ һарһхларн, кен чигн күн ичрән хадһлх зөвтә, ичрәс даву чинр кенд чигн уга, «ичрән гееснд орхнь, үксн деер» гисн сурһмҗ цугтад өггдҗәнә.

Медәтә күн болвас, эврәннь үрн-садндан, цуг баһчудтан «Ичрән хадһлтн, ичриннь чинринь өөдән һарһҗ йовтн» гиҗ, сурһмҗан өгнә.

ИШКЛҢГИГ ИДХЛӘ — ШҮЛСН ҺАРДГ, ИНЬГИГ САНХЛА — НУЛЬМСН ҺАРДГ.

Седкл-ухаһан медлцсн эңкр иньгүд кезәд болвчн нег-негән мартдг уган төләд, энүг ишклң идәнлә дүңцүлҗ, эн үгин чинр медүлҗ, иньгән мартхмн биш гисн сурһмҗ өггдҗәнә. Эн олмһа сәәхн үгтә, онц йилһү даршлһта үлгүриг келхләрн, хотын амтыг иньгллһнлә дүңцүлҗ нег угаһар келсмн биш.

Нам ишклң хот күүнә амнд орад уга бәәтл, зугт үүнә дүринь үзәд, һартан авхла, күүнә амн дотр заядар шүлсн һарад бәәнә. Үлгүринь келхд, ишклң альм эс гиҗ ишклң цаһан идә (чигә, хөөрмг, тарг) идхлә эс гиҗ уухла, күүнә амн дотр шүлсн йир икәр, заядар асхрҗ һарна. Шүлс һарһшгоһар седвчн, тер бийнь заядар һарад бәәнә. Хойр күүнә йосн сән иньгллһн тедү мет бийнь заядар учрад бәәх зөвтә гисн үлгүр.

Үнн цаһан седкләрн иньг болсн улс нег-негән мел кезә чигн мартхш. Тегәд хойр иньг кесг цагт нег-негнләһән харһл уга бәәхләрн, тедн негнь негән сансн цагт, терүнә нүднәснь нульмсн һарна. Тегәд эн хойр йовдлыг, хоорнднь холвлдулҗ, үлгүрт орулҗ.

Познавательные статьи:



Техника нижней прямой подачи мяча

Комплекс физических упражнений для развития мышц плечевого пояса

Стандарт Порядок надевания противочумного костюма

Общеразвивающие упражнения без предметов