ЗҮ СӘӘХН ӨВСНД МӨРН ЭМӘЛТӘҺӘН ТАРҺЛДГ, ЗӨВ СӘӘХН ҮГД МАХЛА ЗАЛАТАҺАН ҺАҢХДГ.

↑

⇐ ПредыдущаяСтр 54 из 156Следующая ⇒

ЗҮ СӘӘХН ӨВСНД МӨРН ЭМӘЛТӘҺӘН ТАРҺЛДГ, ЗӨВ СӘӘХН ҮГД МАХЛА ЗАЛАТАҺАН ҺАҢХДГ.

Зөв, чик, олмһа сәәхн үгин чинрин тускар келгдҗ, терүг мөрн дурлдг зүсн-зүүл өвснлә дуңцүлҗәнә. Тиим үгд әмтә юмн биш, әмн уга юмн байрлна гиҗ, дөгәҗ үгин утх медүлҗәнә. Ниицңгү сәәхн юмнд күн биш, нам мөрнә бийнь чигн дурлна, терүг таасна, ташр деернь болхла, нам әмтә мал биш, әмн уга махла зала хойр чигн зөвтә сәәхн үгд дуран өгч һаңхна гиҗ келгдҗәнә. Үгин чинр йир ик өөдән болсн деерән, хол тоолврта, гүн ухата гиҗ келх кергтә, юңгад гихлә, юн чигн сәәхн юмн бийдән күүнә седкл тусхана, күүнә дур күргнә, күүг авлна. Үлгүринь келхд, күн болвас сәәхн янзтаһар уйгдсн хувц-хунрт дурта, сәәхнд эс дурлдг, сәәхнд эс авлгддг, сәәхниг эс таасдг күн мел уга гиҗ келгдҗәнә.

И

ИД ГИХЛӘ — ЧИМКЛҖ, ИР ГИХЛӘ — ШАҺАҖ.

Ирсн гиичд хотыг идтхә гиҗ ол давтхла, эвго йовдл, ирх зөвтә күүг кесг дәкҗ ир гиҗ сурхла, бас сән биш гисн сурһмҗ эн үлгүрт өггдҗәнә. Эн ик сурһмҗта үлгүриг келхләрн, гертән ирсн гиичиг тосхларн, «идтн», «идтн» гиҗ тоохла, эвго, учр юңгад гихлә, тер эмәһәд (ичәд), хотыг идхләрн, чимклҗ, бичкнәр идх гиҗ келгдҗәнә.

Тегәд чигн гертән ирсн гиич күүг хотын сәәнинь болн элвгәр өгч тоохларн, «идтн, идтн» гиҗ келлго, тагчг бәәхлә, тер һольшг йовдл. Кен чигн күн болһнд гертән ирсн гиичиг һольшгар тооҗ, һарһх зөвтә гиҗ, сурһмҗ эн үлгүрт өггдҗәнә.

«Ир гихлә шаһаҗ» гиҗ келгдҗ бәәх үлгүрин учр-утхнь болхла, кен чигн күүг наар гисн эс гиҗ ир гисн зуһуһин йовдл болдмн гиҗ келгднә. Зәрмдән эн үлгүр иршго зөвтә күүнә тускар келҗ олзлгдна, тер цагт, ир гисн күн күүнә герт ирхләрн, үнәр ир гисинь эс гиҗ худлар ир гиснь маһдлад, герт орл уга, шаһаһад хәләчкәд, эзнь гертән бәәхинь лавта медчкәд, тегәд оч герт орҗ ирдг зөвтә. Болв эн үлгүр үнн седкл-ухаһарн эс ирсн күүнә тускар келгдҗәнә. Тер күн иршго саната, болв дегд ол ир гиһәд бәәхлә, ирсн нер авхар, ирәд нег бичкн зуур бәәҗәһәд йовҗ одсн күүнә тускар келгдҗәнә.

Познавательные статьи:



Алгоритмические операторы Matlab

Конструирование и порядок расчёта дорожной одежды

Исследования учёных: почему помогают молитвы?

Почему терпят неудачу многие предприниматели?