ЗовлҢгин зун нӘӘмн айс.

↑

⇐ ПредыдущаяСтр 52 из 156Следующая ⇒

ЗОВЛҢГИН ЗУН НӘӘМН АЙС.

Эврәннь наснаннь туршарт күн олн зүсн зовлңла харһна гисн чинртә үгмүд. «Зун нәәмн айс» гисн зовлң йир акад бәәдлтәһәр олн зүсәр харһна гисн, утхта үг. Күн болһн эврәннь җирһлин хаалһдан зовлңла харһад чигн йовна. Тегәд чигн хальмг олн әмтнә туульд эн зовлңгин тускар тодрхаһар, товчтаһар келгднә.

«Зовлң зун нәәмн айста», «җирһл җирн нәәмн айста» гиҗ келгднә. Болв терүг кедүһинь кен чигн күн тоолад уга, кен чигн күн медәд уга гих кергтә. Болв зовлңгин айснь олн, җирһлин айснь цөн болҗ һарна.

ЗОВХ НОХА ЗУУЛЬЧИГ ДАХДГ.

Керг угаһар цаган үрәһәд, зовад йовдг күүнә тускар энүнд келгдҗ, керг угаһар бичә йовтха гисн сурһмҗ өггдҗәнә. Эн товчта үгд зуг нохан тускар келгдҗ бәәнә гиҗ санхмн биш. Әәл хәәсн (гиичд одсн, зуульчин) эзән дахҗ йовсн ноха күүнә һазрт хот уга йовсн деерән, күүнә һазрин нохаст бийән үмгүләд, киидән зовлң үздгәс үлгүр авад, эн товчта үгиг келхләрн, зәрмдән эврәннь кергәр хол һазрт гиичд одсн улс дахад, мел бийнь тенд кергго күн, киидән зовлң үздг йовдл харһна. Керг угаһар күүнә һазр орҗ гиичд одсн улс даххла, зуг бийин зовлң болхас талдан юмн уга гиҗ кен чигн күүнд сурһмҗ өггдҗәнә.

ЗӨВ МАХЛАД ТОЛҺА ХАНДГ, ЗӨВТӘ ҮГД ЗҮРКН ХАНДГ.

Үгиг чикәр чинринь олҗ, күүндвртән олзлҗах кергтә, гисн сурһмҗ, энүнд өггдҗәнә. Юн чигн юмн зөвтән ирлцснәс сән юмн уга. Зөвтә үг келхлә, терүг әмтн таасна. Бийдән зөв хувц өмсхлә, күүнә седкл терүнд байрлҗ ханна. Көлдән зөв һос өмсхлә, көлин бийнь чигн амрна. Зөвтә юмнд ик баһ уга әмтн цугтан байрлна. «Зөв махлад толһа хандг, зөвтә үгд зүркн хандг» гидг сән, олмһа үгәр келгдсн үлгүрт үгиг зөвәс иштәһәр, зөвлә харһулҗ келснәс, сән юмн уга гиҗ келгдҗәнә.

ЗӨРКӘДСН УРЛАС ЗӨВҮР ХӨӨҺДГО, ЗҮРКН ТУССН ИНЬГӘС НҮДН ХӨӨҺДГО.

Зөркәдсн (шархгдсн) урл эдгтлән даң зована, тедү мет зүркн туссн иньг даң сананас хөөһхш гиҗ, эн хойр үгиг дүңцүлҗ, дурна туск чинриг медүлҗәнә. Кен чигн күн царцснас көлтә, халунь өөдләд, тернь дорагшан орхла, тиим күүнә урлнь зөркәднә, талданар келхлә, шархгдна. Тиигсн цагт, тер күүнә урлнь хагсхла, терүгән келәрн зогслго, долаһад бәәдгтнь, зөркәдсн урл зована.

Баһ дүүвр наста көвүн күүкн хойр эс гиҗ дундан эркн наста залу күүкд күн хойр нег-негндән икәр дурлсн цагтан, теднә негнь болвчн, кезәчн нег-негән нүдәрн хәләһәд бәәдгнь, цугтад медгднә. Эн учр-йовдлын тускар хойр күн хоорндан күүндвр кехләрн, «тер көвүн күүкн хойр мел кезәчн нег-негән халәлдәд бәәнә, нег-негндән йир дурта болдг бәәдлтә», — гицхәнә, тегәд терүнәс нүднь хөөһш.

Познавательные статьи:



Психологические особенности спортивного соревнования

Приготовление дезинфицирующих растворов различной концентрации

Занятость населения и рынок труда

Социальный статус семьи и её типология